കൽപ്പറ്റ: സംസ്ഥാനത്ത് വീണ്ടും മഴ മുന്നറിയിപ്പില് മാറ്റം വരുത്തിയിട്ടുണ്ട്. ഇന്ന് കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളില് ഇന്ന് യെല്ലോ അലര്ട്ടാണ്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് നാളെയും യെല്ലോ അലര്ട്ട് തുടരാനാണ് സാധ്യത. ശക്തമായ മഴ ലഭിക്കുന്ന മലയോര മേഖലയില് മണ്ണിടിച്ചില്, ഉരുള്പൊട്ടല്, മലവെള്ളപ്പാച്ചില് എന്നിവയ്ക്ക് സാധ്യതയുള്ളതിനാല് സുരക്ഷിത സ്ഥലങ്ങളിലേക്ക് മാറി താമസിക്കണമെന്ന് പൊതുജനങ്ങള്ക്കുള്ള നിര്ദേശത്തില് പറയുന്നു.
അതേസമയം, താഴ്ന്ന പ്രദേശങ്ങളില് താമസിക്കുന്നവര് സാധാരണ വെള്ളക്കെട്ട് രൂപപ്പെടുന്ന പ്രദേശങ്ങളില് നിന്നും ക്യാമ്പുകളിലേക്ക് മാറണമെന്നും, ശക്തമായ കാറ്റിനു സാധ്യതയുള്ളതിനാല് അടച്ചുറപ്പില്ലാത്ത വീടുകളില് താമസിക്കുന്നവര് ജാഗ്രത പാലിക്കണമെന്നും നിര്ദേശം നല്കിയിട്ടുണ്ട്.
മഴക്കാലത്ത് നദികള് മുറിച്ചു കടക്കാന് പാടില്ല, അത്യാവശ്യമില്ലാതെ യാത്ര ഒഴിവാക്കുക, വൈദ്യുതി ലൈനുകളുടെ അപകട സാധ്യത ഉറപ്പാക്കുക തുടങ്ങിയ മറ്റു നിര്ദേശങ്ങളും നല്കിയിട്ടുണ്ട്.