സാലറി ചലഞ്ച്: സര്‍ക്കാര്‍ ജീവനക്കാര്‍ അഞ്ചു ദിവസത്തെ ശമ്പളം നല്‍കണം
മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി അഞ്ച് ദിവസത്തെ ശമ്പളം നൽകാൻ സർക്കാർ ജീവനക്കാരുടെ സാലറി ചലഞ്ച് നടപടികൾക്ക് തുടക്കമായി.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
ഉത്തരവിൽ വ്യക്തമാക്കിയിരിക്കുന്നത്, എല്ലാ സർക്കാർ ജീവനക്കാരും കുറഞ്ഞത് അഞ്ചു ദിവസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകണമെന്നാണ്. സമാഹരിച്ച തുക പ്രത്യേക അക്കൗണ്ടിലേക്ക് മാറ്റും.
ജീവനക്കാർ തുക സംഭാവന ചെയ്യുന്നതിനുള്ള സമ്മതപത്രം നൽകേണ്ടതായും മൂന്ന് ഗഡുക്കളായാണ് തുക നൽകേണ്ടതെന്നും ഉത്തരവിൽ പറയുന്നുണ്ട്. പിഎഫിൽ നിന്നു തുക പിടിക്കാൻ അപേക്ഷ സമർപ്പിക്കാനാകും. സെപ്റ്റംബർ മാസത്തിൽ വിതരണം ചെയ്യുന്ന ശമ്പളത്തിൽ നിന്നു തന്നെ ഇത് നടപ്പിലാക്കും.
മുമ്പ്, സാലറി ചലഞ്ചുമായി ബന്ധപ്പെട്ട് മുഖ്യമന്ത്രിയും സർവീസ് സംഘടനകളുമായി കൂടിക്കാഴ്ച നടത്തിയിരുന്നു. വയനാട്ടിലെ ദുരന്തബാധിതർക്ക് പുനരധിവാസം നടത്താൻ ആയിരം കോടി രൂപയെങ്കിലും ആവശ്യമാണ്‌ എന്ന് മുഖ്യമന്ത്രി സംഘടനാ നേതാക്കളെ അറിയിച്ചപ്പോൾ, പത്ത് ദിവസത്തെ ശമ്പളം നൽകണമെന്ന ആവശ്യം ഉണ്ടായിരുന്നു, പക്ഷേ അഞ്ച് ദിവസത്തെ ശമ്പളം നൽകാമെന്നായിരുന്നു സംഘടനാ പ്രതിനിധികളുടെ തീരുമാനം. ശമ്പള വിഹിതം നിർബന്ധമാക്കരുതെന്നും, താൽപ്പര്യമുള്ളവർക്ക് ഗഡുക്കളായി പണം നൽകാനുള്ള അവസരം നൽകണമെന്നും സംഘടനകൾ ആവശ്യപ്പെട്ടു.
Comments (0)