ക്ഷേമ പെൻഷൻ നാളെ മുതൽ വിതരണം ആരംഭിക്കും
സംസ്ഥാനത്തെ ഈ മാസത്തെ ക്ഷേമ പെൻഷൻ വിതരണം നാളെ തുടങ്ങും. ഇതിന് സംസ്ഥാന സർക്കാർ അനുമതി നൽകിയതായി അധികൃതർ അറിയിച്ചു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
ഓണത്തോടനുബന്ധിച്ച് 62 ലക്ഷം പേർക്ക് മൂന്നു മാസത്തെ പെൻഷൻ വിതരണം ചെയ്യാൻ സർക്കാർ ആലോചിച്ചിരിക്കുന്നു. ഈ ആഴ്ച ഒരു മാസത്തെ പെൻഷനും, അടുത്ത മാസം രണ്ട് മാസത്തെ പെൻഷനും നൽകാൻ പദ്ധതിയിടുന്നുണ്ട്.
അടുത്ത മാസം നൽകാൻ ഉദ്ദേശിക്കുന്ന രണ്ട് മാസത്തെ പെൻഷൻ 3200 രൂപയുടെ ആകെ തുകയായിരിക്കും. ഇതോടെ ഓണക്കാലത്ത് ഓരോ പൗരനും 4800 രൂപ ലഭിക്കും. ഒരു മാസത്തെ പെൻഷൻ വിതരണം ചെയ്യാൻ സർക്കാർ 900 കോടി രൂപ ചെലവഴിക്കുമെന്ന് അധികൃതർ അറിയിച്ചു.
മൂന്നു മാസത്തെ പെൻഷൻ നൽകാൻ 2700 കോടി രൂപയുടെ ചെലവാണ് പ്രതീക്ഷിക്കുന്നത്. ബാങ്ക് അക്കൗണ്ടുകൾ ഉള്ളവർക്ക് തുക നേരിട്ട് അക്കൗണ്ടിൽ നൽകും, മറ്റു വിഭാഗക്കാർക്ക് സഹകരണ സംഘങ്ങൾ വഴിയും തുക കൈമാറും.
ഓണക്കാല ചെലവുകൾക്കായി സംസ്ഥാനത്തിന് ഏകദേശം 5000 കോടിയോളം തുക ആവശ്യമാണെന്ന് കണക്കാക്കുന്നു.
Comments (0)