വയനാടിലെ ദുരന്തബാധിതരുടെ പുനരധിവാസത്തിനായി സമഗ്രമായ പദ്ധതിയുമായി കേരളം മുന്നോട്ട്. രണ്ട് എസ്റ്റേറ്റുകളിൽ ടൗൺഷിപ്പ് നിർമ്മാണമാണ് സര്‍ക്കാര്‍ പദ്ധതിപ്രകാരമെടുത്തത്. കൽപ്പറ്റയിലെ എൽസ്റ്റോൺ എസ്റ്റേറ്റിലും കോട്ടപ്പടി നെടുമ്പാല എസ്റ്റേറ്റിലുമാണ് വീട് നിർമ്മാണം നടത്തുക. പുനരധിവാസ പദ്ധതിക്ക് ഊരാളുങ്കല്‍ സൊസൈറ്റി നിര്‍മാണ ചുമതല വഹിക്കുമ്പോള്‍, കിഫ്‌കോണ്‍ മേല്‍നോട്ടം നടത്തും.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
പുനരധിവാസ ടൗൺഷിപ്പുകളുടെ പ്രത്യേകതകൾ:
- എൽസ്റ്റോൺ എസ്റ്റേറ്റിൽ അഞ്ച് സെന്റിലും നെടുമ്പാല എസ്റ്റേറ്റിൽ 10 സെന്റിലുമായി വീട് നിർമ്മിക്കും.
- ആശുപത്രി, സ്കൂള്‍, അങ്കണവാടി, മാർക്കറ്റ്, പാർക്കിംഗ്, കളിസ്ഥലം തുടങ്ങിയ അടിസ്ഥാന സൗകര്യങ്ങൾ ടൗൺഷിപ്പിൽ ഉൾപ്പെടുത്തും.
- ദുരന്തത്തിൽ വീടുകളും ഉപജീവനമാര്‍ഗങ്ങളും നഷ്ടപ്പെട്ടവർക്കായി സമഗ്ര പുനരധിവാസമാണ് ലക്ഷ്യം.
മുഖ്യമന്ത്രിയുടെ പ്രതികരണം:
“വയനാടിന്റെ മേപ്പാടിയിലും ചൂരൽമല മേഘലയിലും നേരിട്ട ദുരന്തം അതീവ ഗുരുതരമായതായിരുന്നു. ദുരന്തബാധിതരുടെ പുനരധിവാസം ത്വരിതഗതിയിൽ പൂർത്തീകരിക്കാൻ ലോകമാകെ സഹായവുമായി നിരവധി ആളുകൾ മുന്നോട്ട് വന്നു. പുനരധിവാസം സാധ്യമാക്കാൻ എല്ലാ സഹായങ്ങളും ഏകോപിപ്പിച്ചുകൊണ്ട് ദുരിതബാധിതരുടെ ജീവിതം പുനഃസ്ഥാപിക്കുകയാണ് സർക്കാർ ലക്ഷ്യമിടുന്നത്,” എന്ന് മുഖ്യമന്ത്രി പറഞ്ഞു.
ഭൂമിയുടെ ഇടപാടുകൾ:
- 2005 ലെ ദുരന്ത നിയന്ത്രണ നിയമപ്രകാരം ഭൂമി ഏറ്റെടുത്താണ് പദ്ധതി നടപ്പാക്കുന്നത്.
- ഇതുമായി ബന്ധപ്പെട്ട നിയമവ്യവഹാരങ്ങളിൽ സര്‍ക്കാരിന് അനുകൂലമായ ഹൈക്കോടതി വിധി ലഭിച്ചിട്ടുണ്ട്.
വയനാടിന്റെ ദുരിതകാലത്തിന് അവസാനം കുറിക്കാനുളള ഈ പ്രാമാണിക ശ്രമം സംസ്ഥാനത്തിന്റെ പുനരുജ്ജീവനത്തിന് ഒരു മാതൃകയാകുമെന്ന പ്രതീക്ഷയിലാണ് സര്‍ക്കാര്‍.