ആരോഗ്യ വകുപ്പ് എലിപ്പനിയുടെ പടർന്നുപിടിത്തത്തെ കുറിച്ച് ജാഗ്രതാ നിർദേശം പുറപ്പെടുവിച്ചു. എലിപ്പനി മരണകാരണമായേക്കാമെന്നും രോഗലക്ഷണങ്ങൾ തിരിച്ചറിയുകയും നേരത്തേ ചികിത്സ തേടുകയും ചെയ്യേണ്ടതിന്റെ പ്രാധാന്യം അദ്ദേഹം ചൂണ്ടിക്കാട്ടുന്നു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
എലിപ്പനിയുടെ ലക്ഷണങ്ങൾ:
- പനി
- തലവേദന
- കഠിനമായ ക്ഷീണം
- പേശീവേദന
- നടുവേദന
- വയറിളക്കം
വ്യത്യസ്ത ലക്ഷണങ്ങളോടെ പ്രത്യക്ഷപ്പെടുന്ന ഈ രോഗത്തിന്, ചികിത്സയിൽ വൈകിയാൽ ജീവൻ നഷ്ടമാകാൻ സാധ്യതയുണ്ടെന്ന് മുന്നറിയിപ്പ്.
പ്രതിരോധ മാർഗങ്ങൾ:
- വിദഗ്ധ നിർദേശമില്ലാതെ മരുന്നുകൾ കഴിക്കരുത്.
- ഡോക്‌സിസൈക്ലിൻ പ്രതിരോധത്തിന് ഉപയോഗിക്കാം: ആഴ്ചയിൽ ഒരു തവണ 200 മില്ലിഗ്രാം, ആഹാര ശേഷം കഴിക്കുക.
- ധാരാളം വെള്ളം കുടിക്കുക.
രോഗം പകരുന്ന വഴികൾ:
- നായ, പൂച്ച, കന്നുകാലി മുതലായ ജീവികളുടെ മൂത്രം.
- കെട്ടിക്കിടക്കുന്ന വെള്ളത്തിൽ പ്രവർത്തികൾ നടത്തുക.
- വൃത്തിഹീനമായ മണ്ണിലും വെള്ളത്തിലും പ്രവർത്തിക്കുന്നവർക്ക് രോഗം പിടിപെടാനുള്ള സാധ്യത കൂടുതലാണ്.
ആസന്ന ഭീഷണി നേരിടുന്നവർ:
- തൊഴിലുറപ്പ് ജോലിക്കാർ
- ശുചീകരണ ജോലിക്കാർ
- കര്‍ഷകര്‍, ക്ഷീരകര്‍ഷകര്‍
- മീൻപിടുത്ത തൊഴിലാളികൾ
- ഹരിത കർമ്മസേന
രോഗം പകരാനുള്ള സാഹചര്യങ്ങൾ ഒഴിവാക്കുകയും വ്യക്തിഗത ശുചിത്വം പാലിക്കുകയും ചെയ്യണമെന്ന് ആരോഗ്യ വകുപ്പ് എല്ലാവരോടും നിർദ്ദേശിക്കുന്നു.