കൊച്ചി: സ്വർണവില പ്രതിദിനം റെക്കോർഡ് ഭേദിച്ച് മുന്നേറുകയാണ്. ആദ്യമായി 63,000 കടന്നതിന് പിന്നാലെ ഇന്ന് കൂടി 200 രൂപയുടെ വർധനവോടെ ഒരു പവൻ 63,440 രൂപയിലെത്തി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/He6GJaaXJApLFGlSb9knVc
ഗ്രാമിന് 25 രൂപ കൂടി 7,930 രൂപയായി. ആഗോള സാമ്പത്തിക അനിശ്ചിതത്വങ്ങളും ഓഹരി വിപണിയിലെ ഇടിവുകളും നിക്ഷേപകരെ സ്വർണത്തിലേക്ക് ആകർഷിക്കുന്നതിനാൽ വില തുടർച്ചയായി ഉയരുകയാണ്. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഇറക്കുമതി തീരുവ കുറിച്ചുള്ള പ്രഖ്യാപനത്തിന് പിന്നാലെ ഓഹരി വിപണിയിൽ വലിയ ഇടിവ് സംഭവിച്ചതും വില കുതിച്ചുയരാൻ കാരണം. കഴിഞ്ഞ മൂന്ന് ദിവസത്തിനിടെ മാത്രം 1,800 രൂപയുടെ വർധന രേഖപ്പെടുത്തിയ സ്വർണവില, ഈ മാസത്തിനകത്ത് 6,000 രൂപയിലധികം കൂടിയിട്ടുണ്ട്. നവംബറിൽ ആദ്യമായി 60,000 കടന്ന വില, തുടർച്ചയായ വർധനവ് തുടരുന്നതിനാൽ പുതിയ ഉയർന്ന നിരക്കുകൾത്തേക്കാണ് നീങ്ങുന്നതെന്ന് വിപണി വിദഗ്ധർ വിലയിരുത്തുന്നു.