വയനാട്ടിലെ മുണ്ടക്കൈ-ചൂരൽമല പുനരധിവാസവുമായി ബന്ധപ്പെട്ട് കേന്ദ്ര വായ്പയുടെ കാലാവധി നീട്ടണമെന്ന് കേരള സർക്കാർ കേന്ദ്രത്തോട് ആവശ്യപ്പെടും. ഈ ആവശ്യത്തെ കുറിച്ചുള്ള ഔദ്യോഗിക ധാരണ മുഖ്യമന്ത്രി പിണറായി വിജയൻ അധ്യക്ഷനായ ഉന്നതതല യോഗത്തിലാണ് രൂപംകൊണ്ടത്. ഇതുമായി ബന്ധപ്പെട്ട് സംസ്ഥാന സർക്കാർ കേന്ദ്രത്തോട് ഔദ്യോഗികമായി കത്തയയ്ക്കും.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
പുനരധിവാസത്തിനായി കേന്ദ്രം 529.50 കോടി രൂപയുടെ വായ്പയാണ് അനുവദിച്ചിരിക്കുന്നത്. ഈ തുക 2025 മാർച്ച് 31നകം ചെലവഴിക്കണമെന്ന് കേന്ദ്രത്തിന്റെ നിബന്ധനയാണെങ്കിലും, ഇത് പ്രായോഗികമല്ലെന്ന വിലയിരുത്തലിലാണ് സംസ്ഥാന സർക്കാർ. ഈ സാഹചര്യത്തിലാണ് കാലാവധി നീട്ടണമെന്നാവശ്യപ്പെട്ട് കേന്ദ്രത്തോട് ഹിതപരാമർശം നടത്താൻ തീരുമാനിച്ചത്.
പുനരധിവാസപ്രവർത്തനങ്ങളുടെ നിലവിലെ പുരോഗതി യോഗത്തിൽ വിലയിരുത്തി. പദ്ധതികൾ സമയബന്ധിതമായി പൂർത്തിയാക്കണമെന്നതിൽ യോഗത്തിൽ ധാരണയായതായും മന്ത്രിമാരും ചീഫ് സെക്രട്ടറിയടക്കമുള്ള ഉന്നത ഉദ്യോഗസ്ഥരും യോഗത്തിൽ പങ്കെടുത്തതായും റിപ്പോർട്ടുകൾ വ്യക്തമാക്കുന്നു.