ഇന്നലെ ചരിത്രപരമായ ഉയര്‍ച്ച കൈവരിച്ച സ്വര്‍ണവിലയില്‍ ഇന്ന് കുറഞ്ഞൊരിടിവ് രേഖപ്പെടുത്തി. പവന് 360 രൂപയുടെ കുറവാണ് സംഭവിച്ചത്, ഇതോടെ ഒരു പവന് സ്വര്‍ണത്തിന്റെ പുതിയ വില 64,200 രൂപയായി. ഗ്രാമിന് 45 രൂപ കുറഞ്ഞ് ഇപ്പോഴത്തെ നിരക്ക് 8025 രൂപയായി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/He6GJaaXJApLFGlSb9knVc
ഇന്നലെ 280 രൂപയുടെ വര്‍ധനയോടെ സ്വര്‍ണവില 64,560 രൂപയിലെത്തിയിരുന്നു, ഇതോടെ 64,480 എന്ന മുന്‍ഗണിത റെക്കോര്‍ഡ് മറികടന്നായിരുന്നു കുതിപ്പ്. നവംബര്‍ 22നാണ് സ്വര്‍ണവില ആദ്യമായി 60,000 രൂപ പിന്നിട്ടത്, തുടര്‍ന്ന് നേരിയ ഇടിവുകളും കുതിപ്പുകളും അനുഭവപ്പെട്ടെങ്കിലും 64,000 കടന്ന് സ്ഥിരത പുലര്‍ത്തുകയായിരുന്നു. രാജ്യാന്തര വിപണിയിലെ മാറ്റങ്ങളാണ് ഈ കുതിപ്പിന് പ്രധാന കാരണമായത്. അമേരിക്കന്‍ സാമ്പത്തിക നയങ്ങളും ഓഹരി വിപണിയിലെ ചലനങ്ങളുമാണ് സ്വര്‍ണവിലയെ നേരിയ തോതില്‍ സ്വാധീനിച്ചത്. 65,000 രൂപ എന്ന മാനസിക അളവിലെത്തുമോ എന്നതിനെക്കുറിച്ച് വ്യപാര ലോകം ഉറ്റുനോക്കുന്നതിനിടയിലാണ് ഇന്നത്തെ വിലക്കുറവ് രേഖപ്പെടുത്തിയിരിക്കുന്നത്.