സംസ്ഥാനത്ത് എൻഎസ്‌എസ് മാനേജ്മെന്റിന് കീഴിലുള്ള എയ്‌ഡഡ് സ്കൂളുകളിലെ നിയമനങ്ങള്‍ സുപ്രീംകോടതി സ്ഥിരപ്പെടുത്താൻ അനുമതി നൽകി. ഭിന്നശേഷിക്കാർക്കായി സംവരണം ചെയ്ത തസ്തികകള്‍ ഒഴികെ, എൻഎസ്‌എസ് സ്‌കൂളുകളില്‍ നേരത്തെ നടത്തിയ നിയമനങ്ങൾ അംഗീകരിക്കാനാണ് കോടതി നിർദേശം നൽകിയത്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
നീണ്ട കാലമായി ശമ്പളമില്ലാതെ കഴിയേണ്ടി വന്നതിന്റെ പേരിൽ കോഴിക്കോട് എയ്‌ഡഡ് സ്കൂളിലെ ഒരു അധ്യാപിക ജീവനൊടുക്കിയ സംഭവം വലിയ ചർച്ചക്കും വിമർശനങ്ങള്‍ക്കുമിടയാക്കിയിരുന്നു. ഇതേ തുടർന്നാണ് എൻഎസ്‌എസ് ഈ വിഷയത്തിൽ സുപ്രീംകോടതിയെ സമീപിച്ചത്.
ഭിന്നശേഷി സംവരണവുമായി ബന്ധപ്പെട്ട കേസ് തുടരുന്നതിനാൽ, അദ്ധ്യാപക-അനധ്യാപക നിയമനങ്ങൾ സ്ഥിരപ്പെടുത്തുന്നതിൽ സംസ്ഥാന സർക്കാർ നീണ്ടു നിന്നതിനെക്കുറിച്ചും എൻഎസ്‌എസ് കോടതിയിൽ വാദിച്ചു. ഭിന്നശേഷിക്കാർക്കായി സംവരണം ചെയ്ത തസ്തികകളെ ബാധിക്കാത്ത ഒഴിവുകൾ അംഗീകരിക്കാമെന്ന് വ്യക്തമാക്കിയാണ് എൻഎസ്‌എസ് നിയമന സ്ഥിരീകരണം ആവശ്യപ്പെട്ടത്.
ജഡ്‌ജിമാരായ ബി.ആർ. ഗവായ്, എ.ജി. മസി എന്നിവരുടെ ബെഞ്ച്, ഭിന്നശേഷി സംവരണത്തിനായി മാറ്റിവെക്കേണ്ട ഒഴിവുകൾ ഒഴികെ മറ്റ് തസ്തികകളിൽ നിയമന നടപടി കൈക്കൊള്ളാൻ സംസ്ഥാന സർക്കാരിന് നിർദേശം നൽകി. ഇതോടെ നിയമനം ലഭിച്ചിട്ടും സ്ഥിരീകരണത്തിനായി കാത്തിരുന്ന മുന്നൂറോളം അധ്യാപകരും അനധ്യാപകരും ആശ്വാസം കണ്ടെത്തും.
ഭിന്നശേഷി സംവരണത്തിന് മാറ്റിവെക്കേണ്ട ഒഴിവുകളൊഴികെ മറ്റ് നിയമനങ്ങൾ അംഗീകരിക്കാമെന്ന് സർക്കാർ വ്യക്തമാക്കിയതോടെയാണ് സുപ്രീംകോടതി അനുകൂല വിധി പുറപ്പെടുവിച്ചത്. ഹർജിക്കാരായ എൻഎസ്‌എസിനായി അഭിഭാഷകര്‍ ദാമ ശേഷാ ശ്രീ നായിഡു, അങ്കുഷ് കുല്‍ക്കർണി എന്നിവർ ഹാജരാകുമ്പോൾ, സംസ്ഥാന സര്‍ക്കാരിനായി പി.വി. ദിനേശ്, സ്റ്റാൻഡിങ് കൗണ്‍സല്‍ നിഷേ രാജൻ ശങ്കർ എന്നിവരും കോടതിയിൽ വാദിച്ചു.