കയറിയ സ്വര്‍ണവിലയിൽ കഴിഞ്ഞ കുറച്ച് ദിവസങ്ങളായി വലിയ മാറ്റങ്ങളാണ് കാണപ്പെടുന്നത്. യുഎസ്-ചൈന വ്യാപാര ബന്ധത്തില്‍ നിലനിന്നിരുന്ന തിരിച്ചടികള്‍ ശമിക്കുമെന്ന സൂചനയും, യുഎസ് പ്രസിഡന്റ് ഡൊണാള്‍ഡ് ട്രംപ് ഫെഡ് റിസർവിന്റെ തലവനെതിരെ നടപടിയില്ലെന്ന ഉറപ്പുമാണ് ഈ മാറ്റത്തിന് ആധാരമായത്. ആഗോള വിപണിയിലെ ഈ സാഹചര്യങ്ങൾ കേരളത്തെ ഉള്‍പ്പെടെ ഇന്ത്യയിലെ സ്വര്‍ണവിപണിയിലും പ്രതിഫലിച്ചു.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://whatsapp.com/channel/0029VaJej2aLikgGxsiq3u41
മാസാരംഭത്തില്‍ പവന് വില 68,080 രൂപയായിരുന്നു. ഏപ്രില്‍ 3ന് ഇത് 400 രൂപ ഉയർന്ന് 68,480 രൂപയായി. അതിനുശേഷം ഏപ്രില്‍ 4ന് 1280 രൂപയുടെ കനത്ത ഇടിവാണ് സംഭവിച്ചത്. ഏപ്രില്‍ 8ന് വരെ വില കുറഞ്ഞതോടെ ഉപഭോക്താക്കൾക്ക് പ്രതീക്ഷയിലായിരുന്നെങ്കിലും, ഏപ്രില്‍ 10ന് തുടക്കം കുറിച്ച വീണ്ടും കുതിച്ചുയരൽ തുടർച്ചയായി തുടരുകയായിരുന്നു. ചില ദിവസങ്ങള്‍ക്കുള്ളില്‍ തന്നെ വില 70,000 കടന്ന് 72,000 രൂപയുടെ തോതിയിലും എത്തി. ഏപ്രില്‍ 22ന് പവന് 74,320 രൂപ എന്ന റെക്കോഡ് നിരക്കാണ് രേഖപ്പെടുത്തിയത്. വില 80,000 രൂപ കടക്കും എന്ന പ്രവചനങ്ങളും ശക്തമായിരുന്നു. എന്നാല്‍ ചൈനയോടുള്ള കടുത്ത നിലപാടുകളിൽ നിന്ന് യുഎസ് പിൻവാങ്ങുന്നുവെന്ന ട്രംപിന്റെ പ്രഖ്യാപനത്തോടെ വിപണിയിൽ തിരിച്ചടി ഉണ്ടാകുകയും ഏപ്രില്‍ 23ന് പവന് വില 2200 രൂപ കുറഞ്ഞ് കുറഞ്ഞത് വിപണിയെ പതുക്കെ മാറ്റത്തിലേക്ക് കൊണ്ടു പോകുകയും ചെയ്തു. ഇന്നും 72,040 രൂപയിലാണ് കേരളത്തിൽ സ്വർണവില നിലനിൽക്കുന്നത്.
രാജ്യത്തെ പ്രമുഖ നഗരങ്ങളിലെ 24 കാരറ്റ്, 22 കാരറ്റ് നിരക്കുകളും അതിനൊത്ത വിപണി അവലോകനവുമാണ് ഇപ്പോൾ ശ്രദ്ധേയമായിരിക്കുന്നത്. ഡൽഹിയിൽ 98,340 രൂപയും 90,200 രൂപയുമാണ് 10 ഗ്രാം വില. മുംബൈ, കൊൽക്കത്ത, ചെന്നൈ എന്നിവിടങ്ങളിലും 24 കാരറ്റ് വില 98,240 രൂപയും 22 കാരറ്റ് വില 90,050 രൂപയുമാണ്.
അക്ഷയ തൃതീയയുടെ വരവോടെ, വിലക്കുറവ് വലിയ ചർച്ചയാകുകയാണ്. ഹിന്ദു വിശ്വാസപ്രകാരം അക്ഷയ തൃതീയ ദിവസത്ത് സ്വർണം വാങ്ങുന്നത് ഭാഗ്യത്തിനും സമ്പത്തിനും കാരണമാകുമെന്ന് കരുതപ്പെടുന്നു. മുൻകാലങ്ങളിൽ ഉയർന്ന വിലയാൽ ജ്വല്ലറികളിൽ തിരക്ക് കുറവായിരുന്നു. പക്ഷേ ഇപ്പോഴത്തെ വിലതാഴ്‌ച്ച, പുതിയ താൽപര്യങ്ങൾക്കും ഉപഭോക്തൃശ്രമങ്ങൾക്കുമായി വഴി തുറക്കുമെന്ന് ജ്വല്ലറിക്കാർ പറയുന്നു.
പവന് വില 70,000 രൂപയ്ക്ക് താഴേക്ക് എത്തുമോ എന്നതാണ് ഉപഭോക്താക്കളുടെ പ്രധാന കാത്തിരിപ്പായിരിക്കുന്നത്. ഇത്തരമൊരു കുറവ് ഉണ്ടായാൽ പുതിയ വാങ്ങലുകൾക്ക് കൂടുതൽ ആളുകൾ തയ്യാറാകുമെന്നാണ് കണക്കാക്കുന്നത്. പക്ഷേ 5 ശതമാനം പണിക്കൂലി, 3 ശതമാനം ജിഎസ്ടി എന്നിവ ഉൾപ്പെടുമ്പോള്‍ ഒരു പവന് വേണ്ടിവരുന്നത് ഏകദേശം 75,000 രൂപയ്ക്കും അതിലുമാകുമെന്നും വിലയിരുത്തപ്പെടുന്നു.
വിലക്കുറവ് ഉപയോഗപ്പെടുത്തി അക്ഷയതൃതീയ ദിനത്തില്‍ കൂടുതൽ ഉപഭോക്താക്കളെ ആകർഷിക്കാൻ ജ്വല്ലറികൾ വ്യത്യസ്ത ഓഫറുകളുമായി മുന്നേറുകയാണ്. പണിക്കൂലിയിൽ വമ്പൻ റിയായത്തുകളും പ്രത്യേക ഡിസ്‌ക്കൗണ്ടുകളുമൊക്കെയാണ് അവരുടെ പ്രധാന തന്ത്രം.