പ്ലസ് ടു പാസായവർക്ക് കേന്ദ്ര സർക്കാർ ജോലികൾക്കായി മികച്ച അവസരവാതിൽ തുറക്കുന്നു. ലോവർ ഡിവിഷൻ ക്ലാർക്ക്, ജൂനിയർ സെക്രട്ടേറിയറ്റ് അസിസ്റ്റൻറ്, ഡാറ്റ എൻട്രി ഓപറേറ്റർ തസ്തികകളിൽ നിയമനം ലഭിക്കാൻ സ്റ്റാഫ് സെലക്ഷൻ കമ്മീഷന്റെ കംബൈൻഡ് ഹയർ സെക്കണ്ടറി
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
ലെവൽ (CHSL) പരീക്ഷക്ക് അപേക്ഷിക്കാം. ഇതിനായുള്ള ഓൺലൈൻ അപേക്ഷ സമർപ്പിക്കേണ്ട അവസാന തീയതി ജൂലൈ 18 ആണ്.നിലവിൽ 3,131 ഒഴിവുകളാണ് രേഖപ്പെടുത്തപ്പെട്ടിരിക്കുന്നത്. ഏകദേശം ഒരു വർഷത്തിനകം തന്നെ നിയമനപ്രക്രിയ പൂര്‍ത്തിയാക്കുന്ന പരീക്ഷയാണിതിന്റെ പ്രത്യേകത. ജോലി ലഭിച്ചാൽ ഏകദേശം 30,000 മുതൽ 50,000 രൂപ വരെയുള്ള ശമ്പളവും കേന്ദ്ര സർക്കാർ ജീവനക്കാർക്ക് ലഭിക്കുന്ന എല്ലാ ആനുകൂല്യങ്ങളും ലഭിക്കും. സ്ഥിരതയും നല്ല പ്രമോഷൻ സാധ്യതകളും ഈ തസ്തികകളെ കൂടുതൽ ആകർഷകമാക്കുന്നു.2026 ജനുവരി 1 നെ അടിസ്ഥാനമാക്കി 18 മുതൽ 27 വയസ്സ് വരെയുള്ളവർക്കാണ് അപേക്ഷിക്കാൻ കഴിയുക. എസ് സി, എസ് ടി, ഒബിസി, ഭിന്നശേഷിക്കാർ ഉൾപ്പെടെയുള്ള വിഭാഗങ്ങൾക്ക് നിയമപരമായ പ്രായപരിധി ഇളവുകൾ ലഭിക്കും. കേന്ദ്ര സർക്കാർ നിയമപ്രകാരം സംവരണാനുകൂല്യങ്ങളും നിലവിലുണ്ടാകും.വിദ്യാഭ്യാസ യോഗ്യതയായി, ഉപഭോക്തൃ മന്ത്രാലയവും സാംസ്കാരിക മന്ത്രാലയവുമടക്കമുള്ള ഡാറ്റ എൻട്രി തസ്തികകൾക്ക് പ്ലസ് ടുവിൽ ഗണിതശാസ്ത്രം പഠിച്ചിരിക്കണം. ബാക്കി തസ്തികകൾക്ക് ഏതെങ്കിലും വിഷയത്തിൽ പ്ലസ് ടു പാസായാൽ മതി. ബോർഡർ റോഡ്സ് ഓർഗനൈസേഷനിൽ നിയമനം പുരുഷന്മാർക്ക് മാത്രമായി പരിമിതമാണ്. അവസാന വർഷ വിദ്യാർത്ഥികൾക്ക് ഫലം 2026 ജനുവരി 1-ന് മുമ്പായി ലഭിക്കുമെന്ന് ഉറപ്പുണ്ടെങ്കിൽ അവർക്കും അപേക്ഷിക്കാം.അപേക്ഷ സമർപ്പിക്കേണ്ടത് www.ssc.gov.in എന്ന പുതിയ വെബ്സൈറ്റിലാണ്. പഴയ വെബ്സൈറ്റിൽ രജിസ്റ്റർ ചെയ്തവർ പുതിയ സൈറ്റിൽ വീണ്ടും ഒറ്റത്തവണ രജിസ്ട്രേഷൻ നടത്തേണ്ടതുണ്ട്. ആധാർ അടിസ്ഥാനമാക്കിയുള്ള ഓതെന്റിക്കേഷൻ ആധികാരികതയ്ക്കായി ഉപയോഗിക്കാവുന്നതാണ്. രജിസ്ട്രേഷൻ കഴിഞ്ഞ് ലോഗിൻ ചെയ്ത് അപേക്ഷ സമർപ്പിക്കാം. ഫോട്ടോ, ഒപ്പ് എന്നിവ കൃത്യമായ അളവിൽ വെബ്സൈറ്റിലെ കാമറ സൗകര്യം ഉപയോഗിച്ച് അപ്‌ലോഡ് ചെയ്യണം. അപേക്ഷ ഫൈനൽ ചെയ്യുന്നതിന് മുൻപ് പ്രിവ്യൂ കാണിച്ച് വിശദമായി പരിശോധിക്കേണ്ടതാണ്.അപേക്ഷാ ഫീസ് 100 രൂപയാണ്. വനിതകൾക്കും പട്ടികജാതി/വർഗ്ഗങ്ങൾക്കും ഭിന്നശേഷിക്കാർക്കും ഫീസ് ഇല്ല. അപേക്ഷയിലെ വിവരങ്ങൾ തിരുത്തുവാൻ ജൂലൈ 23നും 24നും അവസരം ലഭിക്കും. അപേക്ഷ സമർപ്പിക്കുന്നതിൽ ബുദ്ധിമുട്ട് അനുഭവപ്പെടുന്നവർക്ക് 18003093063 എന്ന ടോൾ ഫ്രീ നമ്പറിൽ ബന്ധപ്പെടാവുന്നതാണ്. ‘myssc’ എന്ന മൊബൈൽ ആപ്പ് പ്ലേസ്റ്റോറിൽ ലഭ്യമാണ്.ടിയർ 1, ടിയർ 2 എന്നിങ്ങനെ രണ്ട് ഘട്ടങ്ങളിലായാണ് പരീക്ഷ നടക്കുന്നത്. ആദ്യഘട്ടമായ ടിയർ 1 സെപ്റ്റംബർ 8 മുതൽ 18 വരെയാണ് നടന്നേക്കുക. ഇത് ഒരു മണിക്കൂർ ദൈർഘ്യമുള്ള പരീക്ഷയായിരിക്കും. ഇംഗ്ലീഷ് ലാംഗ്വേജ്, ജനറൽ ഇന്റലിജൻസ്, ക്വാണ്ടിറ്റേറ്റീവ് ആപ്റ്റിറ്റ്യൂഡ്, ജനറൽ അവയർനസ് എന്നീ നാല് വിഭാഗങ്ങളിലായി 100 മാർക്കുള്ള 100 ചോദ്യങ്ങൾ. ഓരോ തെറ്റായ ഉത്തരത്തിനും 0.5 മാർക്ക് കുറയും.ടിയർ 2 പരീക്ഷ 2026 ഫെബ്രുവരി/മാർച്ച് മാസങ്ങളിൽ നടക്കും. 2 മണിക്കൂർ 15 മിനിറ്റ് ദൈർഘ്യമുള്ള ഈ പരീക്ഷയിൽ മാത്തമാറ്റിക്കൽ എബിലിറ്റീസ്, റീസണിങ്, ഇംഗ്ലീഷ് കോംപ്രിഹെൻഷൻ, ജനറൽ അവയർനസ്, കമ്പ്യൂട്ടർ നോളജ് എന്നീ വിഷയങ്ങളിൽ നിന്ന് മൂന്നു മാർക്ക് വീതമുള്ള 135 ചോദ്യങ്ങളുണ്ടാകും. തെറ്റായ ഉത്തരങ്ങൾക്ക് ഓരോന്നിനും 1 മാർക്ക് കുറയും. ഇതിന് പുറമെ തസ്തികാനുസൃതമായ 10 മുതൽ 15 മിനിറ്റ് ദൈർഘ്യമുള്ള സ്കിൽ ടെസ്റ്റും ഉണ്ടാകും.കേരള-കർണാടക റീജ്യനിൽ ഉൾപ്പെട്ട കോഴിക്കോട്, കണ്ണൂർ, തൃശൂർ, എറണാകുളം, കോട്ടയം, കൊല്ലം, തിരുവനന്തപുരം, മംഗളാപുരം, ബെംഗളൂരു, മൈസൂർ എന്നിവ ഉൾപ്പെടെ 16 കേന്ദ്രങ്ങളിൽ പരീക്ഷ എഴുതാം. അപേക്ഷയിൽ ഓരോരുത്തരും സ്വന്തം സൗകര്യപ്രകാരം മൂന്ന് പരീക്ഷാ കേന്ദ്രങ്ങൾ തിരഞ്ഞെടുക്കേണ്ടതുണ്ട്. പിന്നീട് പരീക്ഷാ കേന്ദ്രം മാറ്റാൻ അവസരമില്ല.അപേക്ഷിക്കാനുള്ള അവസാന തീയതി അടുത്തിരിക്കുന്നതിനാൽ സമയമനുസരിച്ചു അപേക്ഷ സമർപ്പിക്കുക. അവസാന ദിവസങ്ങളിൽ വെബ്സൈറ്റ് ഓവർലോഡ് ആകുന്നതിനാൽ അത് ഒഴിവാക്കുന്നതാണ് നല്ലത്. കൂടുതൽ വിവരങ്ങൾക്ക് http://www.ssc.gov.in എന്ന ഔദ്യോഗിക വെബ്സൈറ്റ് സന്ദർശിക്കുക.
