മുണ്ടക്കൈ-ചൂരല്‍മല ഉരുള്‍പൊട്ടലില്‍ ജീവൻ നഷ്ടമായ കുട്ടികളെ ഓര്‍മ്മിച്ച്‌ ചൂരല്‍മല സ്‌കൂളിലെ അധ്യാപകരും ജീവനക്കാരും സ്മരണാഞ്ജലി അര്‍പ്പിച്ചു. സ്‌കൂളില്‍ വിദ്യാഭ്യാസം നേടുകയായിരുന്ന 33 കുട്ടികളാണ് ആ ദുരന്തത്തില്‍ മരണപ്പെട്ടത്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
കുട്ടികളുടെ ചിത്രങ്ങള്‍ക്ക് മുന്നില്‍ അദ്ധ്യാപകരും നാട്ടുകാരും ചേര്‍ന്ന് പുഷ്പാഞ്ജലി അര്‍പ്പിച്ചപ്പോള്‍ ഏവരുടെയും കണ്ണുകളിലും കണ്ണുനീര്‍ നിറഞ്ഞു.2024 ജൂലൈ 30-ന് പുലര്‍ച്ചെ വയനാട്ടിലെ കര്‍ഷക-തൊഴിലാളി ഗ്രാമമായ മുണ്ടക്കൈയില്‍ ഉണ്ടായ ഉരുള്‍പൊട്ടലില്‍ 298 പേരാണ് ജീവന്‍ നഷ്ടപ്പെട്ടത്. രാജ്യം കണ്ട ഏറ്റവും വിനാശകരമായ ഉരുള്‍പൊട്ടല്‍ ദുരന്തങ്ങളിലൊന്നായിരുന്ന ഈ ദുരന്തത്തില്‍ കാണാതായ 32 പേരെ ഇനിയും കണ്ടെത്താനായിട്ടില്ല.ബെയ്ലി പാലത്തിന് സമീപം നടന്ന അനുസ്മരണ ചടങ്ങില്‍ വയനാട് ജില്ലാ കളക്ടര്‍ ഡി.ആര്‍ മേഘശ്രീയും പങ്കെടുത്ത് പൊടുന്നനെ നഷ്ടപ്പെട്ട ജീവന്‍മാരുടെ സ്മരണയില്‍ പുഷ്പാഞ്ജലി അര്‍പ്പിച്ചു. കനത്ത ഉരുള്‍പൊട്ടലില്‍ തകര്‍ന്നു നശിച്ച ഭൂമിയിലായിരുന്നു ചൂരല്‍മല സ്‌കൂളും നിലകൊണ്ടിരുന്നത്. അപകടം നടന്നു ഒരു വര്‍ഷം പിന്നിടുമ്പോള്‍, അവിടെ പുതിയ ടൗണ്‍ഷിപ്പ് പദ്ധതിക്ക് സര്‍ക്കാര്‍ തുടക്കമിട്ടുകഴിഞ്ഞു.
