കേരള പൊതു സർവീസ് കമ്മീഷൻ (PSC) കമ്ബനി/കോർപറേഷൻ/ബോർഡ് അസിസ്റ്റന്റ് തസ്തികകളിലേക്ക് നിയമനത്തിന് വിജ്ഞാപനം പുറപ്പെടുവിച്ചു. ജൂനിയർ അസിസ്റ്റന്റ്, അസിസ്റ്റന്റ് ഗ്രേഡ്-2, സിവിൽ എക്സൈസ് ഓഫീസർ, ഡ്രൈവർ തുടങ്ങിയ 23 തസ്തികകളിലേക്കാണ് നിയമനം നടക്കുന്നത്.
വിജ്ഞാപനം രണ്ട് വ്യത്യസ്ത കാറ്റഗറികളിലായി പ്രസിദ്ധീകരിച്ചിരിക്കുന്നു. ഓരോ കാറ്റഗറിക്കും വെവ്വേറെ അപേക്ഷ സമർപ്പിക്കണം. നിയമന യോഗ്യത ബിരുദം ആവശ്യമാണ്. തെരഞ്ഞെടുപ്പ് പ്രക്രിയ പ്രിലിമിനറി പരീക്ഷ + മെയിൻ പരീക്ഷ എന്നിങ്ങനെ രണ്ട് ഘട്ടങ്ങളിലാണ് നടക്കുന്നത്. രണ്ട് കാറ്റഗറികളിലും വ്യത്യസ്ത റാങ്ക് ലിസ്റ്റുകൾ പ്രസിദ്ധീകരിക്കപ്പെടും.
പ്രാഥമിക പരീക്ഷ 2026 ഏപ്രിൽ-മേയ് മാസങ്ങളിൽ നടക്കാനാണ് പ്രതീക്ഷ. അപേക്ഷ സമർപ്പിക്കാനുള്ള അവസാന തീയതി നവംബർ 19, 2025. ഗസറ്റ് തീയതി ഒക്ടോബർ 15, 2025 ആയി അറിയിച്ചിട്ടുണ്ട്.കാറ്റഗറി 1 – ജൂനിയർ അസിസ്റ്റന്റ്, അസിസ്റ്റന്റ് ഗ്രേഡ്-2, സീനിയർ അസിസ്റ്റന്റ്, ജൂനിയർ ക്ലാർക്ക്, കാഷ്യർ എന്നിവ ഉൾപ്പെടുന്നു. ഇതിലെ നിയമനം ഇലക്ട്രിസിറ്റി ബോർഡ്, വാട്ടർ അതോറിറ്റി, സിവിൽ സപ്ലൈസ് കോർപറേഷൻ എന്നിവിടങ്ങളിലാണ് നടക്കുന്നത്.കാറ്റഗറി 2 – അക്കൗണ്ടന്റ്, ജൂനിയർ അക്കൗണ്ടന്റ്, അക്കൗണ്ട്സ് അസിസ്റ്റന്റ്, അക്കൗണ്ട്സ് ക്ലാർക്ക്, അസിസ്റ്റന്റ് മാനേജർ, അസിസ്റ്റന്റ് ഗ്രേഡ്-2 തുടങ്ങിയ തസ്തികകളിലേക്ക് നിയമനം നടക്കുന്നു.
നിയമനം ലഭിക്കുന്ന സ്ഥാപനങ്ങൾ: കെ.എസ്.ആർ.ടി.സി, ഫാമിങ് കോർപറേഷൻ, ലൈവ്സ്റ്റോക്ക് ഡെവലപ്മെന്റ് ബോർഡ്, എസ്.സി/എസ്.ടി വികസന കോർപറേഷൻ, സിഡ്കോ, യുണൈറ്റഡ് ഇലക്ട്രിക്കൽ ഇൻഡസ്ട്രീസ്, സംസ്ഥാന ചലച്ചിത്ര വികസന കോർപറേഷൻ, ഡ്രഗ്സ് ആൻഡ് ഫാർമസ്യൂട്ടിക്കല്‍സ് ലിമിറ്റഡ്, കേരള ഇലക്ട്രിക്കൽ ആൻഡ് അലൈഡ് എൻജിനീയറിങ് കംപനി, വിവിൻ ക്ഷേമനിധി ബോർഡ് തുടങ്ങിയവ.നിലവിൽ 2415 പേർക്ക് നിയമന ശിപാർശ നൽകിയിട്ടുണ്ട്, പ്രധാനമായും കെ.എസ്.എഫ്.ഇ, കെ.എസ്.ഇ.ബിയിലാകും കൂടുതലായി നിയമനം. അഞ്ച് വർഷത്തേക്ക് ഇടവേളയ്ക്ക് ശേഷം പി.എസ്.സി കമ്ബനി/കോർപറേഷൻ അസിസ്റ്റന്റ് തസ്തികയ്ക്കുള്ള അപേക്ഷ ക്ഷണിച്ചിരിക്കുന്നതും ശ്രദ്ധേയമാണ്.
പരപ്പൻപാറയിൽ വർഷങ്ങളായി ദുരിതജീവിതം; സ്ഥിരതാമസത്തിനായി ആം ആദ്മി പാർട്ടി രംഗത്ത്
വടുവഞ്ചാൽ : മൂപ്പൈനാട് ഗ്രാമപഞ്ചായത്തിലെ എട്ടാം വാർഡായ കാടാശ്ശേരി പരപ്പൻപാറ പ്രദേശത്ത് കഴിഞ്ഞ വർഷങ്ങളായി ദുരിതജീവിതം നയിക്കുന്ന 34 അംഗങ്ങളുള്ള എസ്.റ്റി വിഭാഗത്തിലെ കുടുംബങ്ങൾക്ക് ഇപ്പോഴും സ്ഥിര താമസ സൗകര്യം ലഭിച്ചിട്ടില്ല. 2019 ലെ പുത്തുമല ഉരുൾപൊട്ടലിന് പിന്നാലെ, ചാലിയാർ പുഴയുടെ തീരത്ത് പാരമ്പര്യമായി താമസിച്ചിരുന്ന ഇവർ, പ്രദേശവാസിയുടെ കൈവശമുള്ള ഭൂമിയിൽ അഭയാർത്ഥികളായി താൽക്കാലികമായി കുടിയേറുകയായിരുന്നു. അതിനുശേഷം വർഷങ്ങൾ കഴിഞ്ഞിട്ടും, ഇവർ ചെരിവുള്ള പ്രദേശത്ത് ഒരു ടാർപോളിൻ ഷെഡിൽ അടിച്ചുമൂടി ജീവിക്കുകയാണ്.7 മാസം പ്രായമുള്ള ശിശുവിൽ നിന്ന് 60 വയസ്സിന് മുകളിലുള്ള മുതിർന്നവരേവരെ ഉൾപ്പെടുന്ന ഈ കുടുംബങ്ങളിൽ 12 പേർ വിദ്യാർത്ഥികളാണ് — ഇവരിൽ പലരും ഹോസ്റ്റലുകളിൽ നിന്ന് പഠനം തുടരുന്നു. 7 മാസം മുതൽ 6 വയസ്സ് വരെയുള്ള 8 കുട്ടികളും ഇവിടെയുണ്ട്. ബാക്കി 14 പേരിൽ തൊഴിലില്ലാത്ത ബിരുദധാരികളും ഉൾപ്പെടുന്നു; ലഭിക്കുന്ന ചെറിയ ജോലികളിലൂടെയാണ് ഇവരുടെ ഉപജീവനം.താമസത്തിനും അടിസ്ഥാന സൗകര്യങ്ങൾക്കും വേണ്ടിയുള്ള കാത്തിരിപ്പ് വർഷങ്ങളായി നീണ്ടുനിൽക്കുന്ന സാഹചര്യത്തിൽ, ആം ആദ്മി പാർട്ടി മൂപ്പൈനാട് പഞ്ചായത്ത് കമ്മിറ്റി മനുഷ്യാവകാശ കമ്മീഷനും മുഖ്യമന്ത്രിക്കും പരാതി സമർപ്പിച്ചു. പരാതിയിൽ ആവശ്യപ്പെട്ടിരിക്കുന്ന പ്രധാന ആവശ്യങ്ങൾ:കുടുംബങ്ങൾക്ക് സ്വന്തമായി സ്ഥലം, വീടുകൾ നിർമ്മിച്ച് നൽകുകറേഷൻ കാർഡ് ലഭ്യമാക്കുക, കാർഡിൽ ഉൾപ്പെടാത്തവരെ ഉൾപ്പെടുത്തുകആധാർ കാർഡ്, വോട്ടർ ഐഡി എന്നിവ ഇല്ലാത്തവർക്ക് ഉടൻ ലഭ്യമാക്കുകബിരുദധാരികൾക്ക് തൊഴിൽ നൽകുകഇതുവരെ ഇടപെടൽ നടത്തിയില്ലാത്ത ട്രൈബൽ വകുപ്പ് ഉദ്യോഗസ്ഥർക്കും ജനപ്രതിനിധികൾക്കും നേരെ നിയമനടപടി സ്വീകരിക്കുകഭരണകൂടത്തിന്റെ അനാസ്ഥ മൂലം പരപ്പൻപാറ ഉന്നത്തിയിലെ ഈ കുടുംബങ്ങളെ ഇനി ദുരിതത്തിലേക്ക് തള്ളിയിടാൻ അനുവദിക്കില്ലെന്ന് ഭാരവാഹികളായ ഇസ്മായിൽ പള്ളിയാൽ, നിഹ്മത് പിച്ചൻ, സൽമാൻ എൻ, യൂസഫ് നടുത്തൊടി, മൻസൂർ അലി എന്നിവർ വ്യക്തമാക്കി. പ്രശ്ന പരിഹാരത്തിനായി ഉത്തരവാദികൾ ഉടൻ നടപടിയെടുക്കാത്ത പക്ഷം ശക്തമായ പ്രതിഷേധ പരിപാടികൾ സംഘടിപ്പിക്കുമെന്നും അവർ മുന്നറിയിപ്പ് നൽകി.
സ്റ്റോക്ക് രജിസ്റ്ററിൽ 26 കിലോ ചന്ദനമുട്ടികളുടെ കുറവ്; വള്ളിയൂർക്കാവിൽ നിന്നും ചന്ദനം അടിച്ചുമാറ്റിയോ ?
മാനന്തവാടി: മാനന്തവാടി വള്ളിയൂർക്കാവ് ഭഗവതി ദേവസ്വത്തിന്റ ചന്ദനമുട്ടികളുടെ തൂക്കം ഓഡിറ്റ് പരിശോധനയിൽ വൻ കുറവാണ് കാണിച്ചത്.58.47 കിലോഗ്രാമായിരുന്ന ചന്ദനമുട്ടികൾ ഇപ്പോൾ 32 കിലോഗ്രാമായിരിക്കുന്നു. ചാക്കിൽ കെട്ടിവെച്ച നിലയിലുള്ള ചന്ദനമുട്ടികളുടെ പലതും ദ്രവിച്ച് നശിച്ചതായും കണ്ടെത്തി.2023 ലെ ഓഡിറ്റ് റിപ്പോർട്ടിൽ കണ്ടെത്തിയ ഈ കാര്യം ഇപ്പോഴാണ് പുറത്ത് വരുന്നത്. വള്ളിയൂർക്കാവ് ദേവസ്വം വളപ്പിൽ നിന്ന് മുൻകാലത്ത് ചന്ദനമരങ്ങൾ മോഷണം പോയിരുന്നു. ഇതിനു പിന്നാലെയാണ് ക്ഷേത്രാവശ്യത്തിനു വേണ്ടിയുള്ള ചന്ദനമരങ്ങൾ മുറിച്ച് ഓഫീസിൽ സൂക്ഷിച്ചത്. ചന്ദനമരങ്ങൾ മുറിച്ചത് പത്തുവർഷത്തിന് മുമ്പാണ്.ഓഡിറ്റ് റിപ്പോർട്ടിന്റെ അടിസ്ഥാനത്തിൽ അക്കാലത്ത് ജോലി ചെയ്ത എക്സിക്യൂട്ടീവ് ഓഫീസർമാരോട് രേഖാമൂലം വിവരങ്ങൾ ആവശ്യപ്പെട്ടിട്ടുണ്ടെന്നും, ലഭിക്കുന്ന മുറയ്ക്ക് ഓഡിറ്റ് ഉദ്യോഗസ്ഥർക്കു മറുപടി നൽകുമെന്നും എക്സിക്യൂട്ടീവ് ഓഫീസർ പി.വി. വിജയൻ വ്യക്തമാക്കി. ശബരിമല സ്വർണപ്പാളി വിവാദത്തിനു പിന്നാലെയാണ് ക്ഷേത്രാവശ്യത്തിനു മുറിച്ച ചന്ദനമുട്ടികളുടെ കുറവ് പുറത്തറിയുന്നത്.മേൽശാന്തിക്കു നൽകിയ ചന്ദനമുട്ടികളുടെ വിവരങ്ങൾ ദേവസ്വം രജിസ്റ്ററിൽ രേഖപ്പെടുത്തിയ രീതിയിൽ സ്വീകരിച്ചിരുന്നുവെങ്കിലും, ക്ഷേത്രാവശ്യത്തിനു നൽകിയവ രജിസ്റ്ററിൽ രേഖപ്പെടുത്താത്തതിൽ കുറവ് വന്നിട്ടുണ്ടാകാം. മുറിച്ചു സൂക്ഷിച്ച ചന്ദനത്തിന്റെ ചിലത് കാതലില്ലാത്തതായും, വെട്ടിയെടുത്ത ചന്ദനത്തടികൾ ഉണങ്ങിയതിലും തൂക്കം കുറയാനും ചിതലിച്ചുപോയതും കാരണം കുറവുണ്ടായിരിക്കാം.2023 നു ശേഷം നാലോളം ഉദ്യോഗസ്ഥർ ദേവസ്വത്തിന്റെ എക്സിക്യൂട്ടീവ് ഓഫീസറായി ജോലി ചെയ്തിട്ടുണ്ട്. ഓഡിറ്റ് റിപ്പോർട്ട് ദേവസ്വം അധികൃതർക്കു ഈ വർഷം മാർച്ചിലാണ് ലഭിച്ചത്.
തുല്യതയിൽ നിന്ന് ബിരുദത്തിലേക്ക് :പഠിതാക്കൾക്ക് പുതിയ വഴിയൊരുക്കി ജില്ലാ പഞ്ചായത്ത്
തു ല്യതാ പഠിതാക്കൾക്ക് ബിരുദധാരികളാവാൻ അവസരമൊരുക്കി ജില്ലാ പഞ്ചായത്തിന്റെ പുതിയ പദ്ധതി. ഹയർ സെക്കൻഡറി തുല്യതാ വിജയികൾക്കായി സാക്ഷരതാ മിഷനുമായി കൈകോർത്ത് ജില്ലാ പഞ്ചായത്ത് നടപ്പാക്കുന്ന ബിരുദ പഠന പദ്ധതിയുടെ ജില്ലാതല ഉദ്ഘാടനം കളക്ടറേറ്റ് കോൺഫറൻസ് ഹാളിൽശ്രീനാരായണഗുരു ഓപ്പൺ സർവകലാശാല വൈസ് ചാൻസിലർ പ്രൊഫ. ഡോ. വി.പി ജഗതി രാജ് നിർവഹിച്ചു.വിദ്യാഭ്യാസം സമൂഹത്തിലെ അസമത്വങ്ങൾക്കും അനീതിക്കുമെതിരെ പ്രതികരിക്കാൻ പ്രാപ്തരാക്കുന്ന ശക്തമായ ആയുധമാണെന്നും, അത് ജോലിക്ക് മാത്രമല്ല വ്യക്തിത്വ വികാസത്തിനും വഴിയൊരുക്കുമെന്നും അദ്ദേഹം പറഞ്ഞു.സാക്ഷരതാ മിഷന്റെ ഹയര്‍ സെക്കൻഡറി തുല്യതാ കോഴ്സ് വിജയിച്ച പഠിതാക്കള്‍ക്ക് ബിരുദ പഠനത്തിന് അവസരമൊരുക്കുന്ന നൂതന പദ്ധതി സംസ്ഥാനത്ത് ആദ്യമായി നടപ്പിലാക്കുകയാണ് ജില്ലാ പഞ്ചായത്ത്. സാക്ഷരതാ മിഷന്റെ സഹകരണത്തോടെ ശ്രീനാരായണഗുരു ഓപ്പണ്‍ യൂണിവേഴ്സിറ്റിയുടെ സഹകരണത്തോടെയാണ് ബിരുദ പഠനം. പഠനാവസരം വീണ്ടെടുത്ത് ഹയര്‍ സെക്കൻഡറി തുല്യതാ കോഴ്സ് വിജയിച്ചവർക്ക് സാമ്പത്തിക പരാധീനതയുടെ പേരില്‍ പഠനം മുടങ്ങരുതെന്ന ലക്ഷ്യത്തോടെയാണ് ജില്ലാ പഞ്ചായത്ത് പദ്ധതിക്ക് തുടക്കം കുറിച്ചത്. ശ്രീനാരായണ ഗുരു ഓപ്പണ്‍ യൂണിവേഴ്സിറ്റിയുടെ ബിരുദ കോഴ്സുകള്‍ക്ക് രജിസ്റ്റര്‍ ചെയ്യുന്ന ജനറല്‍ വിഭാഗത്തിലെ പഠിതാക്കളുടെ 50 ശതമാനം ഫീസും പട്ടികജാതി വിഭാഗക്കാരുടെ 75 ശതമാനം ഫീസും പട്ടികവര്‍ഗ്ഗ പഠിതാക്കളുടെ 100 ശതമാനം ഫീസും ജില്ലാ പഞ്ചായത്ത് വഹിക്കും. പദ്ധതിയുടെആദ്യ ഘട്ടത്തില്‍ 62 പേരാണ് രജിസ്റ്റര്‍ ചെയ്തത്. രണ്ടാം ഘട്ടത്തില്‍ 138പേര്‍ക്കാണ് അവസരം. കല്‍പ്പറ്റ ഗവ എന്‍.എം.എസ്.എം കോളേജ്, സുല്‍ത്താന്‍ ബത്തേരി സെന്റ് മേരീസ് കേളേജ് എന്നിവടങ്ങളില്‍ സമ്പർക്ക ക്ലാസുകള്‍ നല്‍കും.ജില്ലാ പഞ്ചായത്ത് പ്രസിഡന്റ്‌ സംഷാദ് മരക്കാർ അധ്യക്ഷനായ പരിപാടിയിൽ ജില്ലാ പഞ്ചായത്ത് സ്റ്റാന്റിങ് കമ്മിറ്റി ചെയർമാൻമാരായ എം. മുഹമ്മദ്‌ ബഷീർ, ഉഷ തമ്പി, സീത വിജയൻ, ജുനൈദ് കൈപ്പാണി, ജില്ലാ പഞ്ചായത്ത് അംഗം സിന്ധു ശ്രീധരൻ, സാക്ഷരത മിഷൻ ജില്ലാ കോ-ഓർഡിനേറ്റർ പി. പ്രശാന്ത് കുമാർ, ഓഫീസ് സ്റ്റാഫ് പി.വി ജാഫർ, കൽപ്പറ്റ എൻ.എം.എസ്.എം ഗവ.കോളേജ് അസിസ്റ്റന്റ് പ്രൊഫസർ ഡോ. വിനോദ് തോമസ് എന്നിവർ സംസാരിച്ചു.
കെഎസ്‌ആര്‍ടിസിയില്‍ പരസ്യം പിടിക്കാം! മാസം ഒരു ലക്ഷമെങ്കിലും പോക്കറ്റിലാക്കാം’ പുതിയ പദ്ധതി വരുന്നു
കടുത്ത സാമ്പത്തിക പ്രതിസന്ധിയിൽ തളർന്നിരിക്കുന്ന കെ.എസ്.ആർ.ടി.സി.യെ കരകയറ്റാൻ ഗതാഗത വകുപ്പ് പുതിയ തൊഴിൽ സൃഷ്ടി പദ്ധതിയുമായി രംഗത്ത്. ഗതാഗത മന്ത്രി കെ.ബി. ഗണേഷ് കുമാർ പ്രഖ്യാപിച്ച ‘തൊഴിൽ ദാന പദ്ധതി’ വഴി സാധാരണ പൗരന്മാർക്കും കെഎസ്‌ആർടിസിക്കായി പരസ്യങ്ങൾ പിടിച്ച് വരുമാനം നേടാനുള്ള അവസരമൊരുങ്ങുന്നു.പദ്ധതി പ്രകാരം, ഒരു ലക്ഷം രൂപയുടെ പരസ്യം കെഎസ്‌ആർടിസിക്ക് നേടി നല്‍കുന്നവർക്ക് 15 ശതമാനം വരെ കമ്മീഷൻ ലഭിക്കും. ഇതിലൂടെ യുവാക്കൾക്കും സാധാരണ പൗരന്മാർക്കും മാന്യമായ തൊഴിൽ അവസരവും കെഎസ്‌ആർടിസിക്ക് അധിക വരുമാന സ്രോതസുമാകും. പരസ്യവരുമാനം കാര്യക്ഷമമാക്കി കോർപ്പറേഷനെ സാമ്പത്തികമായി ശക്തിപ്പെടുത്തുകയാണ് പദ്ധതിയുടെ പ്രധാന ലക്ഷ്യം.
📌 പരസ്യ കമ്പനികൾക്കെതിരെ ഗുരുതര ആരോപണങ്ങൾ
പദ്ധതി പ്രഖ്യാപിക്കുന്നതിനിടെ പരസ്യ കമ്പനികളോട് മന്ത്രി ഗണേഷ് കുമാർ കടുത്ത വിമർശനവുമായി. പരസ്യ മേഖലയിൽ ഉണ്ടായ അനിയന്ത്രിതമായ ഇടപാടുകളാണ് കോടികളുടെ നഷ്ടത്തിന് കാരണമെന്ന് മന്ത്രി ആരോപിച്ചു. കഴിഞ്ഞ 6 മുതൽ 7 വർഷങ്ങൾക്കുള്ളിൽ പരസ്യ രംഗത്തെ ക്രമക്കേടുകൾ മൂലം ഏകദേശം ₹65 കോടി വരെ നഷ്ടമുണ്ടായതായി മന്ത്രി വ്യക്തമാക്കി.ടെൻഡർ നേടിയ ശേഷം ചില കമ്പനികൾ കള്ളക്കേസുകൾ സൃഷ്ടിച്ച് കോടതിയിൽ പോയി പണം കൈക്കലാക്കുന്നതാണ് പ്രധാന പ്രശ്നം. ഹൈക്കോടതിയുടെ നിർദ്ദേശപ്രകാരം ഇത്തരം കമ്പനികളെ കരിമ്പട്ടികയിൽ ഉൾപ്പെടുത്തിയതായും മന്ത്രി പറഞ്ഞു. ഇതിനെ മറികടക്കാനായി അവർ കൂട്ടായ്മകൾ രൂപീകരിച്ച് ടെൻഡറുകളിൽ നിന്ന് പിന്മാറുന്ന പുതിയ രീതി സ്വീകരിച്ചിട്ടുണ്ടെന്നും മന്ത്രി വ്യക്തമാക്കി.‘അവരെ വിറ്റ കാശ് നമ്മുടെ പോക്കറ്റിലാക്കാൻ സമയമായി’ എന്ന വാക്കുകളോടെയാണ് മന്ത്രി പുതിയ പദ്ധതിയെ പ്രഖ്യാപിച്ചത്. പൊതുജനങ്ങളുടെ പങ്കാളിത്തം ഉറപ്പാക്കി പരസ്യവരുമാനം വർധിപ്പിച്ച് കെഎസ്‌ആർടിസിയെ കരകയറ്റുകയാണ് ഈ പദ്ധതിയുടെ ലക്ഷ്യം.
സുഗതകുമാരി ടീച്ചര്‍ക്ക് മീനങ്ങാടിയില്‍ സ്മൃതിവനം ഒരുങ്ങുന്നു
കവിയത്രിയും പരിസ്ഥിതി സാമൂഹിക പ്രവർത്തകയുമായ സുഗതകുമാരി ടീച്ചറുടെ സ്മരണയെ നിലനിറുത്തി മീനങ്ങാടിയിൽ സ്മൃതിവനം രൂപംകൊള്ളുന്നു. മീനങ്ങാടി പഞ്ചായത്തിലെ പുറക്കാടി ദേവസ്വത്തിന് കീഴിലുള്ള 3.3 ഏക്കർ സ്ഥലത്ത് വൃക്ഷത്തൈകൾ നട്ടുപിടിപ്പിച്ചുകൊണ്ടാണ് ഈ ഹരിതപദ്ധതിക്ക് തുടക്കം കുറിക്കുന്നത്. പരിസ്ഥിതിയോടുള്ള സ്നേഹവും സംരക്ഷണബോധവും വളർത്തുന്ന ലക്ഷ്യത്തോടെയാണ് സ്മൃതിവനം ഒരുക്കുന്നത്.എന്നാൽ, സ്വർണാഭരണങ്ങൾ വാങ്ങുന്നവർക്ക് ഇപ്പോഴത്തെ വിലക്ക് കൂടാതെ പണിക്കൂലിയും (കുറഞ്ഞത് 5%) ചേർക്കേണ്ടിവരുമെന്ന് സൂചിപ്പിക്കപ്പെടുന്നു, അതിനാൽ ഒരു പവൻ സ്വർണത്തിന് ഒരു ലക്ഷം രൂപയിലധികം ചെലവഴിക്കേണ്ടിവരും.സ്വർണവിലയിൽ ഉയർച്ച ഉണ്ടായിട്ടും സ്വർണ ആവശ്യകതയിൽ കുറഞ്ഞു പോയിട്ടില്ല, ഇത് വിപണിയിൽ സ്വർണത്തിന്റെ ദീർഘകാല ശ്രദ്ധ നിലനിൽക്കുന്നുണ്ടെന്ന് പ്രതിഫലിപ്പിക്കുന്നു.
യാത്രാദുരിതത്തിന് വിരാമം;പുലിക്കാട്ട് കടവ് പാലം യാഥാർത്ഥ്യത്തിലേക്ക്
ത വിഞ്ഞാൽ–തൊണ്ടർനാട് ഗ്രാമപഞ്ചായത്തുകളെ ബന്ധിപ്പിക്കുന്ന വാളാട് പുലിക്കാട്ട് കടവിൽ പുതിയ പാലം യാഥാർത്ഥ്യത്തിലേക്ക് എത്തുന്നു. ദശാബ്ദങ്ങളായി പ്രദേശവാസികളെ അലട്ടിയ യാത്രാദുരിതങ്ങൾക്ക് ഒടുവിൽ പരിഹാരം ലഭിക്കുകയാണ്.നേരത്തേ യാത്രയ്ക്ക് ആശ്രയിച്ചിരുന്നത് മഴക്കാലത്ത് വെള്ളത്തിൽ മുങ്ങിപ്പോകുന്ന തൂക്ക് മരപ്പാലമായിരുന്നു. പാലം മുങ്ങുമ്പോൾ കിലോമീറ്ററുകൾ ചുറ്റി സഞ്ചരിക്കേണ്ടി വന്ന ദുരിതമാണ് നാട്ടുകാർ നേരിട്ടിരുന്നത്.വാളാട് പുലിക്കാട്ട് കടവിൽ കോൺക്രീറ്റ് പാലം പണിയണമെന്ന് നാട്ടുകാർ ഉന്നയിച്ച ദീർഘകാല ആവശ്യം മന്ത്രി ഒ.ആർ. കേളുവിന്റെ ഇടപെടലിൽ യാഥാർത്ഥ്യമായതോടെ 11 കോടി രൂപയുടെ ഭരണാനുമതിയോടെ നിർമാണം അവസാനഘട്ടത്തിലെത്തി.90 മീറ്റർ നീളമുള്ള ഈ പാലത്തിന്റെ ഡിസൈനും എസ്റ്റിമേറ്റും പൊതുമരാമത്ത് വകുപ്പ് തയ്യാറാക്കിയതാണ്. ബി.എം.ബി.സി നിലവാരത്തിലുള്ള സമീപന റോഡും 150 മീറ്റർ പുഴയോര സംരക്ഷണ ഭിത്തിയും ഇതോടൊപ്പം പണിയപ്പെടുന്നു. പാലം പൂർത്തിയായാൽ വാളാട്–പുതുശ്ശേരി, പേരിയ–തേറ്റമല–വെള്ളമുണ്ട ഭാഗങ്ങളിലേക്കുള്ള യാത്ര കൂടുതൽ എളുപ്പവും വേഗത്തിലും ആക്കും.പുതിയ പാലം വാളാട് എ.എൽ.പി. സ്കൂൾ, ജയ്ഹിന്ദ് എൽ.പി. സ്കൂൾ, ഗവ. ഹയർ സെക്കൻഡറി സ്കൂൾ, എടത്തന ഗവ. ട്രൈബൽ ഹയർ സെക്കൻഡറി സ്കൂൾ എന്നിവിടങ്ങളിലെ വിദ്യാർത്ഥികൾക്ക് യാത്രാ സൗകര്യവും പുതുശ്ശേരി–ആലക്കൽ–പൊള്ളംപാറ പ്രദേശവാസികൾക്ക് മാനന്തവാടിയിലേക്ക് എളുപ്പത്തിൽ എത്താനുള്ള മാർഗവുമാകും. ഒക്ടോബർ അവസാനം പാലം തുറന്നുകിട്ടുമ്പോൾ തൊണ്ടർനാട്–വെള്ളമുണ്ട മേഖലയിൽ ജനങ്ങൾ നേരിട്ടിരുന്ന ദശാബ്ദങ്ങളായുള്ള യാത്രാ ബുദ്ധിമുട്ടുകൾക്ക് ഒരുങ്ങിയ പരിഹാരമാകും ഇത്.