തദ്ദേശ തെരഞ്ഞെടുപ്പിനോടനുബന്ധിച്ച് ജില്ലയില്‍ മദ്യനിരോധനം ഏര്‍പ്പെടുത്തി ജില്ലാ കളക്ടര്‍ ഡി.ആര്‍ മേഘശ്രീ ഉത്തരവായി. പരസ്യപ്രചാരണം അവസാനിക്കുന്ന ഡിസംബര്‍ ഒന്‍പതിന് വൈകിട്ട് 6 മുതല്‍ വോട്ടെടുപ്പ് തിയതിയായ ഡിസംബര്‍ 11 ന് അര്‍ദ്ധ രാത്രി വരെയും വോട്ടെണ്ണല്‍ ദിവസമായ ഡിസംബര്‍ 13 നുമാണ് ജില്ലയില്‍ മദ്യനിരോധനം ഏര്‍പ്പെടുത്തി ഉത്തരവായത്

തദ്ദേശ തെരഞ്ഞെടുപ്പിനോടനുബന്ധിച്ച് ജില്ലയില്‍ മദ്യനിരോധനം ഏര്‍പ്പെടുത്തി ജില്ലാ കളക്ടര്‍ ഡി.ആര്‍ മേഘശ്രീ ഉത്തരവായി. പരസ്യപ്രചാരണം അവസാനിക്കുന്ന ഡിസംബര്‍ ഒന്‍പതിന് വൈകിട്ട് 6 മുതല്‍ വോട്ടെടുപ്പ് തിയതിയായ ഡിസംബര്‍ 11 ന് അര്‍ദ്ധ രാത്രി വരെയും വോട്ടെണ്ണല്‍ ദിവസമായ ഡിസംബര്‍ 13 നുമാണ് ജില്ലയില്‍ മദ്യനിരോധനം ഏര്‍പ്പെടുത്തി ഉത്തരവായത്

7 വർഷം നീണ്ട കേസ് വിധിയിലേക്ക് — ദിലീപ് ഉൾപ്പെടെ 9 പ്രതികൾക്ക് നിർണായക നിമിഷം

ഇന്നുവരെ കേരളം ഉറ്റുനോക്കിക്കൊണ്ടിരിക്കുന്ന ഏറ്റവും വിവാദപരവും ശ്രദ്ധേയവുമായ കേസുകളിൽ ഒന്നാണ് യുവ നടിയുടെ ആക്രമണ കേസ്. എട്ടുവർഷമായി നീണ്ടുനിന്ന തെളിവ് ശേഖരണം, ആരോപണങ്ങളും മറുപ്രതികരണങ്ങളും, കോടതിവാദങ്ങളും ഒടുവിൽ അവസാന ഘട്ടത്തിൽ. എറണാകുളം വിചാരണക്കോടതി ഉടൻ തന്നെ വിധി പ്രസ്താവിക്കാൻ ഒരുങ്ങുന്നതിനാൽ, സിനിമാലോകവും പൊതുസമൂഹവും അതീവ പ്രതീക്ഷയോടെയും ഉത്കണ്ഠയോടെയും കണ്ണുവെച്ചിരിക്കുകയാണ്.

കേസ്: തുടക്കത്തിൽ നിന്ന് ഇപ്പോഴുള്ള യാത്ര

2017 ഫെബ്രുവരി 17 — അങ്കമാലി അത്താണിക്കടുത്ത് യാത്രയ്ക്കിടെ ഒരു കാറിനുള്ളിൽ നടിയെ ആക്രമിച്ചതോടെ കേരളം നടുങ്ങി. സംഭവത്തിന് ആറ് ദിവസം കഴിഞ്ഞ്, ഫെബ്രുവരി 23-ന് പൾസർ സുനി പൊലീസ് പിടിയിലായി. പിന്നീട്, തെളിവുകളുടെ അടിസ്ഥാനത്തിൽ നടൻ ദിലീപിനെ ജൂലൈ 10-ന് അറസ്റ്റ് ചെയ്ത് കേസിൽ പ്രതിചേർത്തു. ഇതിന് പിന്നാലെ ‘അമ്മ’ സംഘടനയിൽ നിന്ന് അദ്ദേഹത്തെ പുറത്താക്കി.

85 ദിവസം ജയിൽവാസത്തിന് ശേഷം, 2017 ഒക്ടോബർ 3-ന് ദിലീപിന് ജാമ്യം ലഭിച്ചു. ദിലീപും പൾസർ സുനിയും ഉൾപ്പെടെ ആകെ ഒമ്പത് പേരെയാണ് കേസിൽ പ്രതിചേർന്നത്. അന്വേഷണ സംഘം, നടിക്കെതിരായ മുൻ വൈരാഗ്യമാണ് ആക്രമണം ആസൂത്രണം ചെയ്യാനുള്ള കാരണം എന്ന് കണ്ടെത്തി.

വാദങ്ങൾ, തെളിവുകൾ, നാടകീയ വഴിത്തിരിവുകൾ

2017 നവംബറിൽ കുറ്റപത്രം സമർപ്പിക്കപ്പെട്ടു. 2018 മാർച്ച് 8-ന് എറണാകുളം പ്രിൻസിപ്പൽ സെഷൻസ് കോടതിയിൽ വിചാരണ ആരംഭിച്ചു.

കേസിനിടെ:

• 261 സാക്ഷികളെ വിസ്തരിച്ചു
• 1600 രേഖകൾ ഹാജരാക്കി
• ഇടയ്ക്ക് നിരവധി നാടകീയ ഘട്ടങ്ങളും ഗുരുതര ആരോപണങ്ങളും ഉയർന്നു

ചില പ്രധാന വഴിത്തിരിവുകൾ:

• 2021 ഡിസംബർ 25: ബാലചന്ദ്രകുമാറിന്റെ വെളിപ്പെടുത്തലുകൾ
• മെമ്മറി കാർഡ് ചട്ടവിരുദ്ധമായി തുറന്നുവെന്ന വിവാദം
• തുടക്കത്തിൽ മൊഴി നൽകിയ ചില താരങ്ങൾ പിന്നീട് മൊഴി മാറ്റിയത്
• വിചാരണ ജഡ്ജിയെ സംബന്ധിച്ച ആരോപണങ്ങൾ
• അതിജീവിത രാഷ്ട്രപതിയെ സമീപിക്കാൻ വരെ നിർബന്ധിതയായി

2022 ജനുവരിയിൽ പുതിയ വെളിപ്പെടുത്തലുകളുടെ പശ്ചാത്തലത്തിൽ അന്വേഷണം പുനഃക്രമീകരിച്ച് പുതിയ ടീം നിയമിച്ചു. ബാലചന്ദ്രകുമാർ നൽകിയ ഓഡിയോ ക്ലിപ്പുകളുടെ അടിസ്ഥാനത്തിൽ 2022 ജനുവരി 9-ന് പുതിയ എഫ്‌ഐആർ രജിസ്റ്റർ ചെയ്തു. തുടർന്ന് അതിജീവിതയുടെ ഇൻസ്റ്റാഗ്രാം പ്രതികരണവും കേസിനെ വീണ്ടും ദേശീയ ചർച്ചയാക്കി.

അവസാന ഘട്ടത്തിലേക്ക്

• 2025 ഡിസംബർ 11: അന്തിമ വാദം ആരംഭിച്ചു
• 2025 ഏപ്രിൽ 7: സിബിഐ അന്വേഷണം ആവശ്യപ്പെട്ട ദിലീപിന്റെ ഹർജി ഹൈക്കോടതി തള്ളി
• 2025 ഏപ്രിൽ 9: പ്രതിഭാഗത്തിന്റെ വാദവും പ്രോസിക്യൂഷന്റെ മറുപടിയും പൂർത്തിയായി

കേരളത്തിന്റെ സിനിമയും സമൂഹവും മാറ്റി മറിച്ച കേസ്

ഈ കേസ് വെറും നിയമ നടപടികളിൽ മാത്രമല്ല, സാമൂഹിക-സാംസ്കാരിക തലത്തിലും വലിയ സ്വാധീനം ചെലുത്തി.

• വിമൻ ഇൻ സിനിമ കളക്ടീവ് (WCC) പിറവിയെടുത്തു
• സിനിമാ മേഖലയിലെ വനിതാ സുരക്ഷയും ലിംഗസമത്വവും പൊതുചർച്ചയായി
• ഹേമ കമ്മിറ്റി രൂപീകരിച്ച് സിനിമാരംഗത്തെ പീഡനങ്ങൾ, അധികാര ദുരുപയോഗം തുടങ്ങിയവയെ കുറിച്ച് പഠനം ആരംഭിച്ചു

ഇപ്പോൾ ഉറ്റുനോക്കുന്നത് — വിധി

വർഷങ്ങളുടെ പ്രതീക്ഷ, പ്രതിഷേധം, അന്തരിച്ചു പോയ മൊഴികൾ, മാധ്യമ ചർച്ചകൾ — ഇതൊക്കെയാണ് ഈ കേസിന്റെ ചരിത്രം.

ഇപ്പോൾ ഒരു ചോദ്യമാണ് ഉയരുന്നത്:

“നീതി വിജയിക്കുമോ?”

കോടതിയുടെ അന്തിമവിധി കേരളവും ഇന്ത്യൻ സിനിമാ ലോകവും ആവേശത്തോടെയും ഉത്കണ്ഠയോടെയും കാത്തിരിക്കുന്നു.

പഠനം ആദ്യം: എൻഎസ്‌എസ്, എൻസിസി വിദ്യാർത്ഥികളെ തെരഞ്ഞെടുപ്പ് ജോലിയിൽ നിന്ന് പിൻവലിക്കണം — മന്ത്രി

തിരഞ്ഞെടുപ്പ് നടപടികളുമായി ബന്ധപ്പെട്ട വോട്ടർ പട്ടിക പുതുക്കല്‍ ഉള്‍പ്പെടെയുള്ള ജോലികൾക്കായി എൻഎസ്‌എസ്, എൻസിസി വോളണ്ടിയർമാരെ ഉപയോഗിക്കാനുള്ള ചില റവന്യൂ ഉദ്യോഗസ്ഥരുടെ നീക്കങ്ങൾക്ക് കർശനമായ നിലപാടുമായി സംസ്ഥാന പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി രംഗത്തെത്തി. വിദ്യാർത്ഥികളെ ക്ലാസുകളിൽ നിന്ന് മാറ്റിനിർത്തി തെരഞ്ഞെടുപ്പ് ജോലികളിൽ ഏർപ്പെടുത്തുന്നത് പഠനപ്രക്രിയയെ പ്രതികൂലമായി ബാധിക്കുന്ന നടപടിയാണെന്നും, താത്പര്യക്കേടുണ്ടാക്കുന്ന ഇത്തരത്തിലുള്ള പ്രവർത്തനങ്ങൾ മന്ത്രാലയം അംഗീകരിക്കില്ലെന്നും തിരുവനന്തപുരം വാർത്താസമ്മേളനത്തിൽ അദ്ദേഹം വ്യക്തമാക്കി.

നിലവിൽ സംസ്ഥാനത്തെ സ്കൂളുകളിൽ അധ്യയനം പൂർണ്ണമായി പുരോഗമിക്കുന്ന സമയമാണ്. കൂടാതെ എസ്.എസ്.എൽ.സി, പ്ലസ് ടു പരീക്ഷകൾ അടുത്തെത്തിയിരിക്കുന്ന സാഹചര്യത്തിൽ, വിദ്യാർത്ഥികളുടെ പഠന സമയം ഒരു കാരണവശാലും നഷ്ടപ്പെടാൻ പാടില്ലെന്ന് മന്ത്രി വ്യക്തമാക്കി. തുടർച്ചയായി പത്ത് ദിവസത്തിലധികം ക്ലാസ് ഒഴിവാക്കി വോട്ടർ പട്ടിക വിവരശേഖരണത്തിനോ ഡിജിറ്റൈസേഷനോ വിദ്യാർത്ഥികളെ നിയോഗിക്കുന്നത് അവരുടെ ഭാവി പഠനരീതിയെ തകർക്കുന്ന നടപടിയാണെന്നും, ഇത് വിദ്യാഭ്യാസ അവകാശനിയമത്തിനോട് തന്നെ വിരുദ്ധമാണെന്നും അദ്ദേഹം ചൂണ്ടിക്കാട്ടി.

എൻസിസി, എൻഎസ്‌എസ് പോലുള്ള പ്രവർത്തനങ്ങൾ സാമൂഹ്യബോധവും സേവന മനോഭാവവും വളർത്തുന്നതിന് വേണ്ടിയുള്ള പാഠ്യേതര പ്രവർത്തനങ്ങളാണെങ്കിലും, അത് വിദ്യാർത്ഥികളുടെ പഠനത്തെ ബാധിക്കുന്ന രീതിയിൽ ഉപയോഗിക്കരുതെന്നാണ് വിദ്യാഭ്യാസ വകുപ്പിന്റെ നിലപാട്. പഠനവുമായി ബന്ധപ്പെട്ടതല്ലാത്ത ഔദ്യോഗിക ജോലികൾക്കായി വിദ്യാർത്ഥികളെ ഉപയോഗിക്കുന്നത് അവരുടെ പഠനാവകാശത്തെ നേരിട്ട് ലംഘിക്കുന്നതാണെന്നും മന്ത്രി വ്യക്തമാക്കി.

വിവരശേഖരണവും വോട്ടർ പട്ടിക പുതുക്കലും നടത്താൻ നിലവിൽ തന്നെ ധാരാളം ജീവനക്കാർ നിയോഗിച്ചിട്ടുണ്ടെന്നും మంత్రి അറിയിച്ചു. മൊത്തം 5,623 പേർ തെരഞ്ഞെടുപ്പ് ജോലികൾക്കായി വിന്യസിച്ചിട്ടുണ്ടെന്ന് അദ്ദേഹം പറഞ്ഞു. ഇതിൽ 2,938 അധ്യാപകര്‍, 2,104 അനധ്യാപകർ, 581 മറ്റ് ജീവനക്കാർ ഉൾപ്പെടുന്നു. അതിനാൽ, വിദ്യാർത്ഥികളെ ഉപയോഗിക്കേണ്ട സാഹചര്യം ഇല്ലെന്നും, നിലവിലുള്ള ജീവനക്കാരുടെ സേവനമാണ് തുടർന്നും ഉപയോഗിക്കേണ്ടതെന്നും മന്ത്രി വ്യക്തമാക്കി.

വിദ്യാർത്ഥികളുടെ പഠനം തടസ്സപ്പെടാതെ സംരക്ഷിക്കാനായി വിദ്യാഭ്യാസ വകുപ്പ് ഉദ്യോഗസ്ഥർക്കായി കർശന നിർദ്ദേശങ്ങൾ നൽകിയിട്ടുണ്ടെന്നും, ഇക്കാര്യത്തിൽ വിട്ടുവീഴ്ചയില്ലെന്നും മന്ത്രി ഉറപ്പ് നൽകി.

എങ്ങോട്ടാണ് ഈ കുതിപ്പ്? — വീണ്ടും ഉയരത്തിലേക്ക് സ്വർണവില; വാങ്ങുന്നവർ ആശങ്കയിൽ

കേരളത്തിൽ വീണ്ടും സ്വർണവില ഉയർന്നു. ഇന്ന് സ്വർണത്തിന് വലിയ കുതിപ്പാണ് രേഖപ്പെടുത്തിയിരിക്കുന്നത്. ഗ്രാമിന് ₹175 കൂടി ₹11,645 രൂപയായി.പവന് ₹1,400യുടെ വർധനവോടെ വില ₹93,160 ആയി എത്തി.അന്താരാഷ്ട്ര വിപണിയിലും ഉയർച്ചയുടെ സ്വഭാവമാണ്. സ്പോട്ട് ഗോൾഡിന്റെ വില ഇപ്പോൾ ട്രോയ് ഔൺസിന് $4,142.75 ആണ്.കേരളത്തിൽ സ്വർണവില ചരിത്രത്തിലെ ഏറ്റവും ഉയർന്ന നിരക്കിലെത്തിയത് ഒക്ടോബർ 17 നായിരുന്നു — അന്ന് ഒരു പവന്റെ വില ₹97,360 രൂപയായിരുന്നു.നവംബർ മാസത്തിലെ മുൻഗാമി ഉയർന്ന നിരക്ക് 13നായിരുന്നു, അന്ന് വില ₹94,320 രൂപ. അതേ സമയം, ഈ മാസത്തെ ഏറ്റവും വലിയ ഇടിവ് രേഖപ്പെടുത്തിയിരിക്കുന്നത് നവംബർ 5 നാണ് — അന്ന് സ്വർണവില ₹89,080 രൂപയായിരുന്നു.

പത്രിക സമർപ്പിക്കൽ അവസാനിച്ചു; ജില്ലാ തലത്തിൽ മത്സരചിത്രം വ്യക്തo

തദ്ദേശ തെരഞ്ഞെടുപ്പിൽ നാമനിർദേശ പത്രിക പിൻവലിക്കൽ അവസാനിച്ചതോടെ സംസ്ഥാനത്തെ മത്സരചിത്രം വ്യക്തമായി. പല സ്ഥലങ്ങളിലും വിമതർ പത്രിക പിൻവലിക്കാതിരുന്നതോടെ മുന്നണികൾക്ക് തിരിച്ചടിയായി. പ്രത്യേകിച്ച് കൊച്ചി കോർപ്പറേഷനിൽ മാത്രം യുഡിഎഫിന്റെ ഒൻപത് വിമത സ്ഥാനാർത്ഥികൾ മത്സരരംഗത്താണ്.വയനാട്ടിൽ യൂത്ത് കോൺഗ്രസ് നേതാവ് ജഷീർ പള്ളിവയൽ പത്രിക പിൻവലിച്ചതോടെ അവിടെ വിമത പ്രശ്നം ഭാഗികമായി ശമിച്ചു. കണ്ണൂരിലെ ആന്തൂർ നഗരസഭയിൽ മൂന്നു വാർഡുകളിൽ എൽഡിഎഫ് എതിരില്ലാതെ വിജയിച്ചു. അതേസമയം, തിരുവനന്തപുരം കോർപ്പറേഷനിൽ സിപിഐഎം വിമതരും മത്സരത്തിലുണ്ട്.തിരുവനന്തപുരത്ത് സിപിഐഎമ്മിന്റെ അഞ്ച് വിമതരും കോൺഗ്രസ് വിമതരും മത്സരിക്കാൻ തയാറായതോടെ മത്സരം കൂടുതൽ കടുപ്പമായി. ഉള്ളൂർ, വാഴോട്ടുകോണത്ത് തുടങ്ങിയ വാർഡുകളിൽ സിപിഐഎം വിമതർ ജനവിധി തേടുമ്പോൾ പൗണ്ടുകടവ്, പുഞ്ചക്കരി വാർഡുകളിൽ കോൺഗ്രസ് വിമതരും രംഗത്തെത്തുന്നു. ആറ്റിങ്ങൽ നഗരസഭയിലും രണ്ട് വാർഡുകളിൽ വിമതർ മത്സരിക്കുന്നു.കൊച്ചിയിൽ ചുള്ളിക്കൽ, ഗിരിനഗർ, പള്ളുരുത്തി എന്നിവിടങ്ങളിൽ പ്രാധാന്യമുള്ള വിമത സ്ഥാനാർഥികൾ മത്സരത്തിലുണ്ട്. തൃക്കാക്കരയിലും യുഡിഎഫിനെതിരെ അഞ്ച് വിമതർ. സ്ഥാനാർഥികളെ വിജയസാധ്യത മുൻനിർത്തിയാണ് പ്രഖ്യാപിച്ചതെന്നും വിമതരായി മത്സരിച്ചാൽ പാർട്ടി നടപടി നേരിടേണ്ടി വരുമെന്നുമാണ് ഡിസിസി നേതൃത്തിന്റെ നിലപാട്.ജില്ലാ പഞ്ചായത്തിൽ കടമക്കുടിയിൽ യുഡിഎഫിന്റെ സ്ഥാനാർഥി എൽസി ജോർജിന്റെ പത്രിക തള്ളിയതോടെ മുന്നണിക്ക് തിരിച്ചടിയായി. പല്ലാരിമംഗലത്ത് സിപിഐഎമ്മിന് തിരിച്ചടിയായി വൈസ് പ്രസിഡൻറ് ഒ.ഇ. അബ്ബാസ് സ്വതന്ത്ര സ്ഥാനാർഥിയായി മത്സരിക്കുന്നു. കോർപ്പറേഷൻ മുൻ കൗൺസിലർ ശ്യാമള എസ്. പ്രഭു ബിജെപി വിമത സ്ഥാനാർത്ഥിയായി മത്സരിക്കുന്നു.ഇടുക്കി കട്ടപ്പനയിൽ മൂന്ന് വാർഡുകളിൽ കെ.സി. വേണുഗോപാൽ പാളയ വിമതർ രംഗത്തെത്തിയപ്പോൾ കോൺഗ്രസ് വിഭാഗീയതയും മത്സരത്തിൽ പ്രതിഫലിച്ചു. കോഴിക്കോട് ഫറോക്ക് നഗരസഭയിൽ ആറ് സ്ഥാനാർഥികളിൽ അഞ്ചുപേർ പത്രിക പിൻവലിച്ചതോടെ വ്യവസ്ഥ ശമിച്ചുവെങ്കിലും താമരശേരി പഞ്ചായത്തിൽ ബാബു കുടുക്കിൽ പത്രിക പിൻവലിച്ചില്ല. ഫ്‌റഷ് കട്ട് കേസിൽ പ്രതിയായ ഇദ്ദേഹം ഇപ്പോഴും ഒളിവിലാണ്.കണ്ണൂരിൽ ഭൂരിഭാഗം വിമതരും പത്രിക പിൻവലിക്കാതെ മത്സരിക്കുന്നു. പയ്യന്നൂരിൽ സിപിഐഎം മുൻ ബ്രാഞ്ച് സെക്രട്ടറി സി. വൈശാഖ് മത്സരിക്കുന്നു. ആന്തൂരിൽ യുഡിഎഫിന് വിമതരുടെ നിലപാട് പ്രതിസന്ധി സൃഷ്ടിച്ചു; ചില പത്രികകൾ തള്ളുകയും ചെയ്തു.തൃശൂരിൽ യുഡിഎഫിന് ആറിടത്തും എൽഡിഎഫിന് നാലിടത്തും വിമതപ്രതിസന്ധി നിലനിൽക്കുമ്പോൾ ബിജെപിക്കൊരു വാർഡിൽ മാത്രം വിമതരുണ്ട്. പാലക്കാട്ടെ സിപിഐഎം–സിപിഐ തർക്കം തുടരുന്നു. കോൺഗ്രസ് സ്ഥാനാർഥിയെ പണം നൽകി സ്വാധീനിക്കാൻ ബിജെപി ശ്രമിച്ചെന്ന ആരോപണവും ഇവിടെ ഉയർന്നു.കാസർകോട്ടെ മഞ്ചേശ്വരം, മംഗൽപ്പാടി പഞ്ചായത്തുകളിൽ സീറ്റ് തർക്കം പരിഹരിച്ചതോടെ ലീഗും കോൺഗ്രസും നൽകിയ പത്രികകൾ പിൻവലിച്ചു. തദ്ദേശ തെരഞ്ഞെടുപ്പ് പ്രചാരണം സംസ്ഥാനത്ത് ഇനി കൂടുതൽ ചൂടുപിടിക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ.

മുനിസിപ്പാലിറ്റികളിൽ ജനവിധി തേടുന്നത് 319 സ്ഥാനാർത്ഥികൾ

തദ്ദേശ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിൻ്റെ നാമനിർദേശ പത്രിക പിൻവലിക്കാനുള്ള സമയപരിധി അവസാനിച്ചതോടെ മത്സരചിത്രം തെളിഞ്ഞു. മാനന്തവാടി, സുൽത്താൻ ബത്തേരി, കൽപറ്റ മുൻസിപ്പൽ കൗൺസിലുകളിലേക്ക് ആകെ 319 സ്ഥാനാർത്ഥികളാണ് ജനവിധി തേടുന്നത്.മാനന്തവാടി മുനിസിപ്പല്‍ കൗണ്‍സിലിലേക്ക് 115 സ്ഥാനാര്‍ത്ഥികള്‍ മത്സരിക്കും.നാമനിർദേശ പത്രിക സമർപ്പിച്ച 186 സ്ഥാനാർഥികളിൽ 71 പേർ പത്രിക പിൻവലിച്ചു. സുൽത്താൻ ബത്തേരി മുനിസിപ്പൽ കൗൺസിലിലേക്ക് 113 സ്ഥാനാർഥികളാണുള്ളത്. നാമനിർദേശ പത്രിക സമർപ്പിച്ച 191 സ്ഥാനാർഥികളിൽ 78 പേർ പത്രിക പിൻവലിച്ചു.കൽപറ്റ മുറ്റസിപ്പൽ കൗൺസിലിലേക്ക് 91 സ്ഥാനാർഥികൾ മത്സരിക്കും. ഇവിടെ നാമനിർദേശ പത്രിക സമർപ്പിച്ച 144 സ്ഥാനാർഥികളിൽ 51 പേർ പത്രിക പിൻവലിച്ചു. രണ്ട് നാമനിർദേശ പത്രികകൾ തള്ളുകയും ചെയ്തു.

തദ്ദേശ തെരഞ്ഞെടുപ്പ്: ജില്ലയിൽ ഉയർന്ന പ്രതികരണം , നാമനിർദ്ദേശ നടപടികൾ പൂർത്തിയായി

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിലേക്ക് സൂക്ഷ്മ പരിശോധനയ്ക്ക് ശേഷം ജില്ലയിൽ ആകെ 4809 നാമനിർദ്ദേശ പത്രികകൾ സ്വീകരിച്ചു. 2229 പുരുഷന്മാരുടെയും 2580 സ്ത്രീകളുടെയും നാമനിർദ്ദേശ പത്രികകളാണ് സ്വീകരിച്ചത്.ജില്ലയിലെ 3 മുനിസിപ്പാലിറ്റികളിലും 4 ബ്ലോക്ക് പഞ്ചായത്തുകളിലേക്കും 23 പഞ്ചായത്തുകളിലേക്കും ജില്ലാ പഞ്ചായത്തിലേക്കും ആകെ 3164 സ്ഥാനാർഥികളുടെ പത്രികകളാണ് സൂക്ഷ്മപരിശോധനക്ക് ശേഷം സ്വീകരിച്ചത്. സ്ഥാനാർത്ഥികളിൽ 1491 പേർ പുരുഷന്മാരും 1673 പേർ സ്ത്രീകളാണ്. സൂക്ഷ്മ പരിശോധനയിൽ ജില്ലയിൽ ആകെ 80 പത്രികകൾ തള്ളി. പുരുഷ സ്ഥാനാർത്ഥികൾ നൽകിയ 31 പത്രികകളും സ്ത്രീ സ്ഥാനാർത്ഥികൾ നൽകിയ 49 പത്രികകളുമാണ് തള്ളിയത്. സ്വീകരിച്ച നാമനിർദ്ദേശ പത്രികകൾ പിൻവലിക്കാൻ തിങ്കളാഴ്ച വരെ സമയമുണ്ട്. അതിന് ശേഷമായിരിക്കും അന്തിമ സ്ഥാനാർത്ഥി പട്ടിക പുറത്ത് വരിക

എന്യുമറേഷൻ ഫോം പൂര്‍ണമായി പൂരിപ്പിക്കാത്തതിൽ ആശങ്ക വേണ്ട; വോട്ടർ പട്ടികയിൽ പേര് നിലനിൽക്കും

വോട്ടർ പട്ടിക പുതുക്കുന്നതുമായി ബന്ധപ്പെട്ട എന്യുമറേഷൻ ഫോമുകൾ പൂർണമായി പൂരിപ്പിക്കാത്ത പൗരന്മാരെ വോട്ടർ പട്ടികയിൽ നിന്ന് ഒഴിവാക്കില്ലെന്ന് മുഖ്യതിരഞ്ഞെടുപ്പ് ഓഫീസർ രത്തൻ യു. കേൽക്കർ വ്യക്തമാക്കി. ഫോമിന്റെ ആദ്യഭാഗം മാത്രം പൂരിപ്പിച്ച് ഒപ്പിട്ടവരും ഡിസംബർ ഒൻപതിന് പ്രസിദ്ധീകരിക്കുന്ന കരട് വോട്ടർ പട്ടികയിൽ ഉൾപ്പെടുമെന്ന് അദ്ദേഹം വ്യക്തമാക്കി.ഫോം വിതരണം സംസ്ഥാനത്ത് ഏകദേശം പൂർത്തിയായിരിക്കുകയാണ്. പൂരിപ്പിച്ച ഫോമുകളുടെ ഡിജിറ്റൈസേഷൻ നടപടികളും പുരോഗമിക്കുകയാണ്. സമഗ്ര വോട്ടർ പട്ടിക പരിഷ്‌കരണവുമായി (SIR) ബന്ധപ്പെട്ട് രാഷ്ട്രീയ പാർട്ടികളുമായി നടത്തിയ യോഗത്തിലാണ് മുഖ്യതിരഞ്ഞെടുപ്പ് ഓഫീസർ നിലപാട് വ്യക്തമാക്കിയത.തിരഞ്ഞെടുപ്പ് ജോലികൾ നിർവഹിക്കുന്ന ബി.എൽ.ഒമാരെ സമ്മർദ്ദത്തിലാക്കില്ലെന്നും, ഉദ്യോഗസ്ഥർക്ക് പരിശീലനത്തിൽ കുറവുണ്ടെങ്കിൽ അത് പരിഹരിക്കുമെന്നും അദ്ദേഹം പറഞ്ഞു. പ്രവാസി വോട്ടർമാരുടെ ആശങ്കകളോട് പ്രതികരിക്കുന്നതിന്റെ ഭാഗമായി നോർക്കയുമായി പ്രത്യേക യോഗം വിളിക്കുമെന്നും ഉറപ്പ് നൽകി.അതേസമയം, എസ്‌.ഐ.ആർ പ്രക്രിയയെക്കുറിച്ച് രാഷ്ട്രീയ വേദികളിൽ വിമർശനവും ആശങ്കകളും ഉയർന്നിട്ടുണ്ട്. പൗരത്വനിയമം രഹസ്യമായി നടപ്പിലാക്കാനുള്ള ശ്രമമാണിതെന്ന് മുസ്ലിം ലീഗ് ജനറൽ സെക്രട്ടറി അഡ്വ. ഷാ ആരോപിച്ചു. പ്രവാസികളുടെ ആശങ്ക നേരിട്ട് കേൾക്കാന്‍ മുഖ്യതിരഞ്ഞെടുപ്പ് ഓഫീസർ യോഗം സംഘടിപ്പിക്കണമെന്ന് അദ്ദേഹം ആവശ്യപ്പെട്ടു.എന്യുമറേഷൻ ഫോമിൽ ബന്ധുവിന്റെ സ്ഥാനത്ത് സഹോദരങ്ങളെ ഉൾപ്പെടുത്താത്തത് പ്രശ്‌നമാകുന്നുവെന്ന് സി.പി.എം നേതാവ് എം. വിജയകുമാർ ചൂണ്ടിക്കാട്ടി. എസ്‌.ഐ.ആർ പ്രക്രിയയെ അട്ടിമറിക്കാൻ ചില രാഷ്ട്രീയ പ്രസ്ഥാനങ്ങൾ സർക്കാർ ഉദ്യോഗസ്ഥർക്ക് സമ്മർദ്ദം ചെലുത്തുകയാണെന്ന് ബി.ജെ.പി വക്താവ് ജെ.ആർ. പത്മകുമാർ ആരോപിച്ചു.തദ്ദേശതെരഞ്ഞെടുപ്പ് സമയത്ത് എസ്‌.ഐ.ആർ നടപ്പാക്കുന്നത് പ്രായോഗിക ബുദ്ധിമുട്ടുകൾ സൃഷ്ടിക്കുന്നുവെന്നതിലും കൂടുതൽ സമയം അനുവദിക്കാത്തത് ദുരൂഹമാണെന്നും യോഗത്തിൽ പങ്കെടുത്ത രാഷ്ട്രീയ പാർട്ടികൾ അഭിപ്രായപ്പെട്ടു.