കെ.എസ്.ആർ.ടി.സി. (കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ) പുതിയ പദ്ധതിയുമായി മുന്നോട്ട് വരുന്നു, അപകടങ്ങൾ കുറയ്ക്കാനും ഡ്രൈവിങ് ശീലങ്ങൾ മെച്ചപ്പെടുത്താനും. ഈ പദ്ധതിയുടെ ഭാഗമായി, താത്കാലിക പരിശീലകരെ നിയമിച്ച് ഡ്രൈവർമാർക്ക് മാർഗനിർദേശം നൽകും.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/DYIcCG3lwEZ2jqTkPTjGfA
പദ്ധതിയുടെ ലക്ഷ്യങ്ങൾ:
- ഡ്രൈവിങ് ശീലങ്ങൾ മെച്ചപ്പെടുത്തുക
- പ്രവർത്തനച്ചെലവ് കുറയ്ക്കുക
- അപകടനിരക്ക് കുറയ്ക്കുക
പ്രധാന ചുമതലകൾ:
- ഡ്രൈവർമാരുടെ ഡ്രൈവിങ് സ്വഭാവങ്ങൾ നിരന്തരം നിരീക്ഷിക്കുക
- ഇന്ധനക്ഷമത, അപകടനിരക്ക്, ബ്രേക്ക് ഡൗൺ എന്നിവ പരിശോധിച്ച് ആവശ്യമായ പരിശീലനം നൽകുക
- ബസുകളിൽ യാത്രചെയ്ത് ഡ്രൈവിങ് സ്വഭാവം നിരീക്ഷിച്ച് ആവശ്യമായ തിരുത്തലുകൾ നൽകുക
- പ്രാദേശികമായി പരിശീലനക്ലാസുകൾ നടത്തുക
- ഓരോ ആഴ്ചയും അവലോകന റിപ്പോർട്ട് തയ്യാറാക്കി എക്‌സിക്യൂട്ടീവ് ഡയറക്ടർക്ക് നൽകുക
പദ്ധതിയുടെ വിശദാംശങ്ങൾ: ഹെഡ് വെഹിക്കിൾ സൂപ്പർവൈസർ, വെഹിക്കിൾ സൂപ്പർവൈസർ തസ്തികകളിൽ കോർപ്പറേഷനിൽ നിന്ന് വിരമിച്ചവരെയും 60 വയസ്സ് തികയാത്തവരെയും ‘ബദലി’ അടിസ്ഥാനത്തിൽ നിയമിക്കും. എട്ടുമണിക്കൂർ ഡ്യൂട്ടിക്ക് 715 രൂപയാണ് ദിവസവേതനം.
ഡ്രൈവർമാർക്ക് നിർദ്ദേശങ്ങൾ: ഓർഡിനറി ബസുകളുടെ ഡ്രൈവർമാർക്ക്, ഫാസ്റ്റ് പാസഞ്ചറിനെയും സൂപ്പർ ഫാസ്റ്റിനെയുമൊക്കെ മറികടന്നുപോകാൻ ആവേശം വേണ്ടെന്ന് കോർപ്പറേഷൻ നിർദ്ദേശിക്കുന്നു. ഉയർന്ന ശ്രേണിയിലുള്ള ബസുകളെ ഓവർടേക്ക് ചെയ്യരുത്. അങ്ങനെ സംഭവിച്ചാൽ, ഡ്രൈവർക്കും കണ്ടക്ടർക്കും എതിരേ നടപടിയൊന്നും എടുക്കില്ലെങ്കിലും, പരാതികളും അപകടവും ഒഴിവാക്കണമെന്ന് നിർദ്ദേശം.