ചികിത്സാ പിഴവിനാല്‍ നഴ്സുമാര്‍ക്കെതിരെ തിടുക്കത്തില്‍ നടപടി സ്വീകരിക്കരുതെന്നു ഹൈക്കോടതി നിര്‍ദേശിച്ചു. ഇക്കാര്യത്തില്‍ മൂന്നുമാസത്തിനുള്ളില്‍ സര്‍ക്കാര്‍ ബന്ധപ്പെട്ടവര്‍ക്ക് മാര്‍ഗനിര്‍ദേശങ്ങള്‍ നല്‍കണമെന്നും കോടതി ഉത്തരവിട്ടു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
ചേര്‍ത്തല താലൂക്ക് ആശുപത്രിയിലെ താത്കാലിക നഴ്സായിരുന്ന യുവതിക്കെതിരെ രജിസ്റ്റര്‍ ചെയ്ത നിരീ‌ക്ഷിക്കാത്ത നരഹത്യക്കേസാണ് കോടതി റദ്ദാക്കിയത്. 10 വയസ്സുള്ള കുട്ടിയുടെ ചികിത്സയ്ക്കിടയില്‍ വീഴ്ച ഉണ്ടായെന്നായിരുന്നു കേസിന്റെ അടിസ്ഥാനം. രോഗികളുടെ സേവനത്തില്‍ മുഴുകുന്ന നഴ്സുമാരുടെ ജോലി അംഗീകരിക്കണമെന്നും അവരുടെ സേവനത്തിന് കോടതി നിര്‍ണായകമായ പിന്തുണ നല്‍കണമെന്നും കോടതി നിരീക്ഷിച്ചു.
ഡോക്ടര്‍മാരുടെ പേരില്‍ ചികിത്സാ പിഴവുമായി ബന്ധപ്പെട്ട് കേസെടുക്കുന്നതിനുമുന്‍പ് വിദഗ്ധരുടെ അഭിപ്രായം തേടണമെന്ന് സുപ്രീംകോടതി നേരത്തെ നിര്‍ദേശിച്ചിരുന്നു. സമാനമായൊരു സംരക്ഷണം നഴ്സുമാര്‍ക്കും ഉണ്ടാകണമെന്നും, ഡോക്ടര്‍മാരുടെ കാര്യത്തില്‍ 2008-ല്‍ പുറപ്പെടുവിച്ച സര്‍ക്കുലറിന് സമാനമായി നഴ്സുമാര്‍ക്കായും സര്‍ക്കുലര്‍ പുറപ്പെടുവിക്കണമെന്നും ഹൈക്കോടതി നിര്‍ദേശിച്ചു.