ബഹിരാകാശ പേടകങ്ങളെ ഭൂമിയുടെ ഭ്രമണപഥത്തിൽ കൂട്ടിയോജിപ്പിക്കുകയും വേർപെടുത്തുകയും ചെയ്യുന്ന സാങ്കേതിക വിദ്യയിൽ ഇന്ത്യ വലിയ മുന്നേറ്റമുണ്ടാക്കി. ഐ.എസ്.ആർ.ഒ.യുടെ ധ്രുവീയ വിക്ഷേപണ വാഹനമായ പി.എസ്.എൽ.വി -സി60, തിങ്കളാഴ്ച രാത്രി രണ്ട് ചെറു ഉപഗ്രഹങ്ങളെയും 24 ഉപകരണങ്ങളെയും ഭ്രമണപഥത്തിലെത്തിച്ചു.
ശ്രീഹരിക്കോട്ടയിലെ സതീഷ് ധവാൻ സ്പെയ്സ് സെന്ററിൽ നിന്നും തിങ്കളാഴ്ച രാത്രി 10:00:15ന് വിക്ഷേപിച്ച റോക്കറ്റിൽ നിന്ന്, 15 മിനിറ്റ് കൊണ്ടാണ് എസ്.ഡി.എക്സ് 01, എസ്.ഡി.എക്സ് 02 എന്ന ഉപഗ്രഹങ്ങൾ 476 കിലോമീറ്റർ ഉയരത്തിലുള്ള ഭ്രമണപഥത്തിലെത്തിയത്. ഇതോടെ ബഹിരാകാശ ഡോക്കിങ് പരീക്ഷണത്തിന്റെ ആദ്യഘട്ടം വിജയകരമായി പൂർത്തിയായി.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
ഐ.എസ്.ആർ.ഒ. ചെയർമാൻ എസ്. സോമനാഥിന്റെ വിവരപ്രകാരം, ഉപഗ്രഹങ്ങൾ അടുത്ത് എത്തിച്ച് കൂട്ടിയോജിപ്പിക്കുക, പിന്നീട് വേർപെടുത്തി സ്വതന്ത്രമായി പ്രവർത്തിപ്പിക്കുക എന്നീ ഘട്ടങ്ങൾ എട്ടുദിവസത്തിനുള്ളിൽ പൂർത്തിയാകും.
അന്താരാഷ്ട്ര തലത്തിൽ ഇന്ത്യയുടെ നേട്ടം
ബഹിരാകാശ പേടകങ്ങളുടെ ഡോക്കിങ് സാങ്കേതികവിദ്യയിൽ വിജയിച്ചാൽ, ഇന്ത്യ ഇത് കൈവരിക്കുന്ന നാലാമത്തെ രാജ്യമായി മാറും. ഉപഗ്രഹ അറ്റകുറ്റപ്പണികൾക്കും ഭ്രമണപഥത്തിൽ ബഹിരാകാശ നിലയങ്ങൾ നിർമ്മിക്കാനുമുള്ള സാധ്യതകൾ ഈ നേട്ടം തുറന്നു കൊടുക്കും.
ചന്ദ്രയാനിന്റെ അടുത്ത ഘട്ടവും ഗഗൻയാനിന്റെ ഭാവി ദൗത്യങ്ങളും ഈ സാങ്കേതികവിദ്യയെ ആശ്രയിച്ച്‌ കൂടുതൽ വിജയകരമാകും. 2024 ജനുവരി ഏഴോടെ ഡോക്കിങ് വിജയകരമായി പൂർത്തിയാക്കുമെന്ന് പ്രതീക്ഷിക്കുന്നു.
വിജയത്തിന്റെ പിന്നിലെ സാങ്കേതിക മികവ്
24 ഉപകരണങ്ങളുള്ള ഓർബിറ്റൽ എക്സ്പെരിമെന്റൽ മോഡ്യൂളിൽ നിന്നുള്ള പരിശോധനകളും വിവരപങ്കിടലുകളും സംയോജിപ്പിച്ച്, ഭാവി ബഹിരാകാശ ദൗത്യങ്ങൾക്ക് ഇത് അത്യന്തം ഉപകാരപ്രദമാകുമെന്നത് ഉറപ്പാണ്.