തുടർച്ചയായ മൂന്നാം ദിവസവും സ്വർണവില ഉയർന്നു, പവന് 480 രൂപ വർധിച്ച്‌ 59,600 രൂപയിലെത്തി. ഇതോടെ സ്വർണവില വീണ്ടും സർവകാല റെക്കോഡിന് സമീപമെത്തി. 2024 ഒക്ടോബറിലെ 59,640 രൂപ എന്ന റെക്കോർഡ് വിലയും കടക്കുമെന്നാണുള്ള സാധ്യത.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
ഇന്നത്തെ വിപണിയിൽ ഒരു ഗ്രാം 22 കാരറ്റ് സ്വർണത്തിന്റെ വില 7,450 രൂപയും 18 കാരറ്റ് സ്വർണത്തിന്റെ വില 6,140 രൂപയുമാണ്. വെള്ളിയുടെ വിലയിൽ മാറ്റമില്ല, ഒരു ഗ്രാം ഹാള്മാർക്ക് വെള്ളിയുടെ വില 99 രൂപ തന്നെയാണ്.
സ്വർണവിലയുടെ വർധനയ്ക്ക് പിന്നിൽ അന്താരാഷ്ട്ര രാഷ്ട്രീയ സംഘർഷങ്ങളാണ് പ്രധാന കാരണം. ഇസ്രായേലും ഹമാസും വെടിനിർത്തൽ കരാറിൽ എത്തിയിട്ടും ഡോളറിന്റെ മൂല്യം കുത്തനെ ഉയർന്നതും രൂപയുടെ മൂല്യം ഇടിഞ്ഞതും വില വർധനയ്ക്ക് കാരണമായി. അടുത്ത ദിവസങ്ങളിലും വില ഉയരാനാണ് സാധ്യതയെന്ന് സാമ്പത്തിക വിദഗ്ധർ പറയുന്നു.