വയനാട്ടിലെ കടുവയെ വെടിവച്ച്‌ കൊല്ലാനുള്ള കേരള സർക്കാരിന്റെ തീരുമാനം കേന്ദ്ര സർക്കാരിന്റെ ഉത്തരവിനെ വിരുദ്ധമാണെന്ന് ബിജെപി നേതാവും പരിസ്ഥിതി പ്രവർത്തകയുമായ മേനക ഗാന്ധി അഭിപ്രായപ്പെട്ടു. കടുവയെ വെടിവച്ച്‌ കൊല്ലരുതെന്ന കേന്ദ്ര സർക്കാരിന്റെ നിർദ്ദേശം നിലവിലുണ്ടെന്നും കേരളം പതിവുപോലെ നിയമം ലംഘിക്കുകയാണെന്നും അവർ ആരോപിച്ചു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
“കടുവയെ പിടികൂടാനാകാം, എന്നാൽ കൊല്ലാനാകില്ല” – മേനക ഗാന്ധി ചൂണ്ടിക്കാട്ടി. കടുവ ദേശീയ സമ്പത്താണെന്നും മനുഷ്യ-വന്യമൃഗ സംഘർഷത്തിന് കാരണം വനമേഖലകളിൽ നടക്കുന്ന കയ്യേറ്റമാണെന്നും അവർ വ്യക്തമാക്കി.
വനങ്ങൾ വെട്ടി നശിപ്പിക്കുന്നത് പ്രശ്‌നങ്ങളുടെ അടിസ്ഥാനം
“കേരളത്തിൽ വൻതോതിൽ വനം വെട്ടി നശിപ്പിക്കുന്നു. കഴിഞ്ഞ അഞ്ച് വർഷത്തിനിടെ ആറുലക്ഷം ഹെക്ടറിലധികം വനം നശിപ്പിച്ചിരിക്കുന്നു. ഇതാണ് പ്രകൃതി ദുരന്തങ്ങൾ വർധിക്കാൻ കാരണം. ജനങ്ങൾ കാട്ടുപന്നിയെ ഇല്ലാതാക്കുന്നത് കടുവകളുടെ ആഹാര ശൃംഖല തകരാൻ ഇടയാക്കുന്നു,” അവർ വിമർശിച്ചു.
വയനാട്ടിലെ കടുവ പ്രായമായതായതിനാൽ എളുപ്പത്തിൽ പിടികൂടാനാകുമെന്നതും വെടിവെപ്പ് ഒഴിവാക്കി ഇതിനായി ശ്രമിക്കണമെന്ന് മേനക ഗാന്ധി ആവശ്യമൂന്നിയെടുത്തു. “മനുഷ്യരും വന്യമൃഗങ്ങളും തമ്മിലുള്ള സംഘർഷത്തിന് പരിഹാരമാകുന്നത് വനം കയ്യേറ്റം അവസാനിപ്പിച്ച് ജനങ്ങളെ വനപ്രദേശങ്ങളിൽ നിന്ന് നീക്കുന്നതിലൂടെയാണ്,” അവർ പറഞ്ഞു.
കേരളത്തിലെ ജനങ്ങൾക്ക് എല്ലാത്തിനെയും കൊല്ലാനുള്ള ചിന്താഗതിയാണെന്ന് പറഞ്ഞ അവർ, ആനയെയും കാട്ടുപന്നിയെയും ഉൾപ്പെടെ മൃഗങ്ങളെ സംരക്ഷിക്കാനുള്ള നിയമങ്ങൾ നടപ്പിലാക്കണമെന്ന് ആവശ്യപ്പെട്ടു. “ഭാവിയെ കുറിച്ച് ചിന്തിക്കാതെ ഇന്നിനെക്കുറിച്ച് മാത്രം ചിന്തിക്കുന്നത് കേരളത്തിൽ ആവർത്തനപ്രകൃതി ദുരന്തങ്ങൾക്ക് കാരണമാകും,” അവർ മുന്നറിയിപ്പു നൽകി.