വയനാട്ടിൽ വന്യജീവികളുടെ അതിക്രമം കുറയ്ക്കുന്നതിനായി വനം-വന്യജീവി സംരക്ഷണ വകുപ്പ് നിരവധി പ്രതിരോധ നടപടികൾ ശക്തമാക്കുന്നു. വനാതിര്‍ത്തികളില്‍ സുരക്ഷാ സംവിധാനങ്ങൾ മെച്ചപ്പെടുത്തുകയും ആവാസവ്യവസ്ഥ സംരക്ഷിച്ച് വന്യജീവികളെ നിയന്ത്രിക്കാനുമായി ദീര്‍ഘകാല, ഹ്രസ്വകാല പദ്ധതികൾ നടപ്പാക്കുകയാണ്.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/He6GJaaXJApLFGlSb9knVc
പ്രതിരോധ നടപടികളും സംരക്ഷണ പദ്ധതികളും
► ആവാസ വ്യവസ്ഥ മെച്ചപ്പെടുത്തൽ – ജില്ലയിലെ മൂന്നു വനം ഡിവിഷനുകളിലായി 1,800 ഹെക്ടർ ചതുപ്പ് നബാർഡ് സഹായത്തോടെ പരിപാലിക്കും.
► അധിനിവേശ സസ്യ നിർമാർജന പദ്ധതി – വന്യജീവികൾക്ക് ഭീഷണിയായ മഞ്ഞക്കൊന്ന നീക്കം ചെയ്യുന്നതിനുള്ള നടപടികൾ ഊർജിതമാക്കും. മൂന്നുമാസത്തിനകം 2,000 മെട്രിക് ടൺ മഞ്ഞക്കൊന്ന ഒഴിവാക്കും.
► വനത്തില്‍ ജലലഭ്യത ഉറപ്പാക്കൽ – ജലസ്രോതസുകളിൽ അടിഞ്ഞ മണ്ണ് നീക്കം ചെയ്യുന്നതടക്കമുള്ള പ്രവർത്തനങ്ങൾ മൂന്ന് വനം ഡിവിഷനുകളിലും നടപ്പിലാക്കും.
► വന്യജീവി അതിക്രമം തടയാനുള്ള സോളാർ വേലി സംരക്ഷണം – 50 കിലോമീറ്റർ ദൈർഘ്യത്തിൽ അറ്റകുറ്റപ്പണി രണ്ട് മാസത്തിനകം പൂർത്തിയാക്കും. ഇതിനായി സി‌എസ്‌ആർ ഫണ്ട് ഉപയോഗിക്കും.
ഹ്രസ്വകാല നടപടികൾ & നിരീക്ഷണ പ്രവർത്തനങ്ങൾ
► ഹോട്ട്‌സ്‌പോട്ടുകളിൽ തെരച്ചിൽ – വന്യമൃഗ സാന്നിധ്യം കൂടുതലുള്ള പ്രദേശങ്ങളിൽ മൂന്നു ദിവസത്തെ തെരച്ചിൽ പുരോഗമിക്കുന്നു. തെര്‍മൽ ഡ്രോൺ നിരീക്ഷണവും നടപ്പിലാക്കും.
► വനാതിര്‍ത്തികളിലെ അടിക്കാട് വെട്ടിനീക്കൽ – ജനവാസ മേഖലകളോട് ചേർന്ന വനാതിരികൾ മുക്കിയിടുന്നത് തടയാൻ ഒരു മാസത്തിനകം അടിക്കാട് വെട്ടിനീക്കും.
► വനം വകുപ്പിന്റെ ലാൻഡ്സ്കേപ്പ് പ്ലാൻ – വിദഗ്ധരുടെ നിർദേശങ്ങൾ ഉൾപ്പെടുത്തിയുള്ള സമഗ്ര പദ്ധതി ഫെബ്രുവരി അവസാനത്തോടെ പൂർത്തിയാക്കും.
ഇത്തരം സംരക്ഷണ പദ്ധതികൾ വഴി വന്യജീവി ശല്യം കുറയ്ക്കുന്നതിനൊപ്പം വന്യജീവികൾക്കും മനുഷ്യർക്കും സുരക്ഷിതമായ അന്തരീക്ഷം ഒരുക്കാനാണ് വനം വകുപ്പിന്റെ ലക്ഷ്യം.