കേരളത്തില്‍ സ്വര്‍ണവിലയില്‍ വന്‍ വര്‍ധന. ഇന്നലെ കുറവുണ്ടായിരുന്ന സ്വര്‍ണവില ഇന്ന് ഒരുമിച്ചുള്ള 840 രൂപയുടെ വര്‍ധനവോടെ പുതിയ ഉച്ചകോടിയിലേക്ക് ഉയര്‍ന്നു. ഇതോടെ 22 കാരറ്റ് സ്വര്‍ണത്തിന്റെ ഗ്രാമിന്‍റെ വില 7,810 രൂപയിലേക്കും ഒരു പവന്‍ 62,480 രൂപയിലേക്കുമെത്തി.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുക*https://chat.whatsapp.com/He6GJaaXJApLFGlSb9knVc
ഇത്രയും വേഗത്തിലുള്ള വിലക്കൂട്ട് അപൂര്‍വമാണ്. വിപണിയില്‍ ഉണ്ടായ ഈ കുതിപ്പിന് ആഗോള സാമ്പത്തിക സാഹചര്യങ്ങളാണ് പ്രധാന കാരണം. അന്താരാഷ്ട്ര വിപണിയില്‍ സ്വര്‍ണവില ഔണ്‍സിന് 2,821 ഡോളറിലേക്കുയര്‍ന്നിട്ടുണ്ട്. അമേരിക്ക കാനഡ, മെക്‌സിക്കോ, ചൈന എന്നീ രാജ്യങ്ങള്‍ക്കെതിരെ അധിക ഇറക്കുമതി ചുങ്കം ഏര്‍പ്പെടുത്തിയതും തിരിച്ചുള്ള പ്രതികരണവും വിപണിയില്‍ അനിശ്ചിതത്വം സൃഷ്ടിച്ചതായി നിക്ഷേപകര്‍ വിലയിരുത്തുന്നു. അതേസമയം, 18 കാരറ്റ് സ്വര്‍ണത്തിനും ഇന്ന് വില 90 രൂപ വര്‍ധിച്ച് ഗ്രാമിന് 6,455 രൂപയായി ഉയര്‍ന്നു. വെള്ളിയുടെ വിലയില്‍ മാറ്റമില്ല, ഗ്രാമിന് 104 രൂപ എന്ന നിരക്കിലാണ് വ്യാപാരം പുരോഗമിക്കുന്നത്. വിലക്കയറ്റം ആഭരണവിപണിയെയും പ്രതികൂലമായി ബാധിച്ചേക്കാമെന്ന ആശങ്ക വ്യാപാരികള്‍ പങ്കുവെക്കുന്നു. പണിക്കൂലി, ജിഎസ്ടി, ഹാള്‍മാര്‍ക്കിങ് ചാര്‍ജ് എന്നിവ ചേര്‍ന്നാല്‍ ആഭരണ വില 68,000 രൂപവരെ എത്തും. ഈ സാഹചര്യത്തില്‍ ആഭരണവില്പനയില്‍ കുറവ് വരാനാണ് സാധ്യത.