വിവിധ തൊഴിലാളി ക്ഷേമനിധി പെൻഷനുകൾ വർധിപ്പിക്കുമെന്ന് ധനമന്ത്രി കെ. എൻ. ബാലഗോപാൽ. ഈ സാമ്പത്തിക വർഷത്തിൽ തന്നെ കുടിശ്ശിക പരിഹരിക്കുമെന്ന് അദ്ദേഹം നിയമസഭയിൽ അറിയിച്ചു. ക്ഷേമനിധി ബോർഡുകൾ ഏകീകരിക്കണമെന്ന് പ്രതിപക്ഷ നേതാവ് വിഡി സതീശൻ ആവശ്യപ്പെട്ടു.
വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ഗ്രൂപ്പിൽ ജോയിൻ ചെയ്യുകhttps://chat.whatsapp.com/CyrYFy1m4b928e7srkZyve
എം. വിൻസന്റ് എംഎൽഎ അടിയന്തര പ്രമേയം അവതരിപ്പിച്ചപ്പോൾ, തൊഴിൽ വകുപ്പ് മന്ത്രി വി. ശിവൻകുട്ടിക്കു വേണ്ടി ധനമന്ത്രി മറുപടി നൽകി. യു.ഡി.എഫ് ഭരണകാലത്തെ കുടിശ്ശിക ഉൾപ്പെടെ എൽ.ഡി.എഫ് സർക്കാർ നൽകുകയായിരുന്നുവെന്ന് ധനമന്ത്രി സഭയിൽ വ്യക്തമാക്കി.
ക്ഷേമനിധി പെൻഷൻ വർധിപ്പിക്കുമെന്ന് വ്യക്തമാക്കിയ ധനമന്ത്രി, കുടിശ്ശിക ബജറ്റിൽ തന്നെ പ്രഖ്യാപിച്ചതിനാൽ ഈ സാമ്പത്തിക വർഷം തീർപ്പാക്കുമെന്നും പറഞ്ഞു. തുടർന്ന്, അടിയന്തര പ്രമേയത്തിന് സ്പീക്കർ അനുമതി നിഷേധിച്ചു.