ജൂലൈ മാസത്തില്‍ രാജ്യത്ത് മൊത്തം 13 ദിവസം ബാങ്കുകള്‍ പ്രവര്‍ത്തിക്കില്ല. ഇതില്‍ പ്രാദേശികവും ദേശീയവുമായ അവധികള്‍ ഉള്‍പ്പെടുന്നു.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
സംസ്ഥാനങ്ങള്‍ വ്യത്യസ്തമായ അവധിദിനങ്ങളാണ് പ്രാബല്യത്തില്‍ വരുന്നത്. കേരളത്തില്‍ പതിവ് പോലെ ഞായറാഴ്ചകളും രണ്ടാം ശനിയാഴ്ചയും നാലാമത്തെ ശനിയാഴ്ചയും ബാങ്കുകള്‍ക്ക് അവധിയായിരിക്കും.ഇവിടെ പ്രധാനപ്പെട്ട ഒരു ആശ്വാസം ആശയവിനിമയക്കാര്‍ക്ക് നല്‍കുന്നത്, ഈ അവധിദിനങ്ങളിലും ഓണ്‍ലൈന്‍ ഇടപാടുകള്‍ സാധ്യമാവും എന്നതാണ്. റിസര്‍വ് ബാങ്ക് ഓഫ് ഇന്ത്യ പുറത്തിറക്കിയ ഹോളിഡേ കലണ്ടറിനെ അടിസ്ഥാനമാക്കിയാണ് ജൂലൈയിലേയ്ക്ക് ഈ 13 അവധികള്‍ നിശ്ചയിച്ചിരിക്കുന്നത്.ജൂലൈ 3ന് ത്രിപുരയില്‍ ഖര്‍ചി പൂജയെ തുടര്‍ന്ന് അവധി പ്രഖ്യാപിച്ചിട്ടുണ്ട്. ജൂലൈ 5ന് ജമ്മുവിലും ശ്രീനഗറിലുമാണ് ഗുരു ഹര്‍ഗോവിന്ദ് ജയന്തിയെ ആചരിച്ച് ബാങ്ക് അവധി. 6, 13, 20, 27 എന്നീ തീയതികള്‍ ഞായറാഴ്ചകള്‍ ആകുന്നതുകൊണ്ട് സ്വാഭാവികമായി അവധിയാകും. 12ന് രണ്ടാം ശനിയാഴ്ചയും 26ന് നാലാം ശനിയാഴ്ചയും കേരളത്തിലും മറ്റു പല സംസ്ഥാനങ്ങളിലുമുണ്ട്.മേഘാലയയില്‍ ജൂലൈ 14ന് ബെ ദെയ്‌ന്‍ഖ്ലം ഉത്സവത്തിന്, 17ന് യു തിരോട്ട് സിംഗിന്റെ ചരമവാര്‍ഷികത്തിന് ബാങ്ക് അടച്ചിടും. ഉത്തരാഖണ്ഡില്‍ ജൂലൈ 16ന് ഹരേല ഉത്സവം ആചരിക്കപ്പെടുന്നു. ത്രിപുരയില്‍ വീണ്ടും ജൂലൈ 19ന് കീര്‍ പൂജയുടെ ഭാഗമായി അവധിയുണ്ട്. ജൂലൈ 28ന് സിക്കിമില്‍ ഡ്രുക്ക്പാ ത്ഷെ-സി ദിനവും അവധിയായി പ്രഖ്യാപിച്ചിട്ടുണ്ട്.ആകെ ഈ അവധികള്‍ തമ്മില്‍ ചേര്‍ന്നാല്‍ ജൂലൈയില്‍ 13 ദിവസത്തേക്കാണ് രാജ്യത്തെ പല ഭാഗങ്ങളിലായി ബാങ്കുകള്‍ അടച്ചിടുക.