ജില്ലയില്‍ കനത്ത മഴ തുടരുന്നതോടെ ജനജീവിതം പ്രതിസന്ധിയില്‍. തവിഞ്ഞാല്‍, തലപ്പുഴ, പടിഞ്ഞാറത്തറ തുടങ്ങിയ പ്രദേശങ്ങളിൽ ശക്തമായ നദിനീരൊഴുക്കും കാറ്റും വലിയ ദുരിതമുണ്ടാക്കി. പുഴകളുടെ ജലനിരപ്പ് അതിയായുയരുകയും താഴ്ന്ന
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
പ്രദേശങ്ങളിൽ വെള്ളം കയറിയതോടെ പലരെയും സുരക്ഷിതമായ ഇടങ്ങളിലേക്ക് മാറ്റിക്കഴിഞ്ഞു.തവിഞ്ഞാല്‍ പഞ്ചായത്തില്‍ സ്ഥിതി ഗതികൾ വിലയിരുത്താന്‍ അധികൃതര്‍ എത്തി. പുഴയിലൂടെ ചെളി കലങ്ങിയ വെള്ളം കുത്തിയൊഴുകുകയാണ്. മണ്ണിടിച്ചിലുണ്ടായോ എന്ന സംശയത്തിൽ പ്രദേശം പരിശോധിച്ചുവരികയാണ്. വനപ്രദേശത്താണ് മണ്ണിടിച്ചില്‍ ഉണ്ടായതെന്ന സൂചനയും ലഭിച്ചിട്ടുണ്ട്. ഫയർഫോഴ്‌സിനെയും പൊലീസിനെയും വിവരമറിയിച്ചിട്ടുണ്ട്. തവിഞ്ഞാലില്‍ 24 മണിക്കൂറും പ്രവര്‍ത്തിക്കുന്ന കൺട്രോള്‍ റൂം തുറന്നിരിക്കുകയാണ്.മാനന്തവാടിയും വൈത്തിരിയും ഉൾപ്പെടെ ഒമ്പത് പഞ്ചായത്തുകളിൽ റിസോർട്ടുകളും ഹോംസ്റ്റേകളും അടച്ചിട്ടിരിക്കുകയാണ്. ചൂരല്‍മല-മുണ്ടക്കൈ നോ ഗോസോണ്‍ മേഖലയിലേക്കുള്ള പ്രവേശനം താത്കാലികമായി നിരോധിച്ചു. തലപ്പുഴയില്‍ പുഴ കരകവിഞ്ഞതിനെത്തുടർന്ന് കാപ്പിക്കളത്ത് നാല് വീടുകളിൽ നിന്നുള്ളവരെ ബന്ധുവീടുകളിലേക്ക് മാറ്റി.പടിഞ്ഞാറത്തറയില്‍ 68 കിമി വേഗത്തില്‍ കാറ്റ് വീശിയതായാണ് റിപ്പോർട്ട്. ളാഹയിൽ 65 കിമിയും മണ്ണാര്‍ക്കാട് 63 കിമിയും വേഗതയിലും കാറ്റ് റെക്കോർഡ് ചെയ്തു. ഇന്നലെ രാത്രി മുതൽ തുടങ്ങിയ മഴ ഇന്നും തുടരുകയാണ്. വ്യത്യസ്ത പ്രദേശങ്ങളിൽ ശക്തമായ കാറ്റ് മരങ്ങൾ കടപ്പിച്ചു, ചില റൂട്ടുകളിൽ ഗതാഗതം തടസപ്പെട്ടു. ചുരം നാലാം വളവില്‍ മരം വീണതിനെത്തുടർന്ന് വാഹനങ്ങൾക്കിടയിൽ തടസം ഉണ്ടായെങ്കിലും യാത്രക്കാരും സംരക്ഷണ സമിതിയും ചേർന്ന് മരം നീക്കം ചെയ്തു.പ്രിയദർശിനി എസ്റ്റേറ്റിലെ 21 കുടുംബങ്ങളെ മാനന്തവാടിയിലെ പിലാ കാവിലേക്കും പടിഞ്ഞാറത്തറയിലെ 6 കുടുംബങ്ങളെ തെങ്ങുമുണ്ട ഗവൺമെന്റ് എൽ.പി സ്കൂളിലേക്കും മാറ്റിപ്പാർപ്പിച്ചിട്ടുണ്ട്. മൊത്തം 23 പേരെ സുരക്ഷിത കേന്ദ്രങ്ങളിലേക്ക് മാറ്റിയതായാണ് റിപ്പോര്‍ട്ട് — ഇവരിൽ 8 പുരുഷന്മാർ, 9 സ്ത്രീകൾ, 6 കുട്ടികളുമാണുള്ളത്.അതേസമയം, വടക്കന്‍ ഛത്തീസ്ഗഡിന് മുകളിലുള്ള തീവ്ര ന്യൂനമര്‍ദം കിഴക്കന്‍ മധ്യപ്രദേശിലേക്കായി നീങ്ങുന്നതിനാല്‍ അടുത്ത ദിവസങ്ങളിൽ മഴയും കാറ്റും കുറയാനാണ് സാധ്യത. എന്നാൽ നിലവിലെ കാലാവസ്ഥയെ തുടർന്ന് ജനങ്ങള്‍ അത്യുഗ്രൻ ജാഗ്രത പാലിക്കണമെന്നും അധികൃതര്‍ മുന്നറിയിപ്പ് നല്‍കി.
