കേരള ഫോറസ്റ്റ് ഡിപ്പാര്‍ട്ട്‌മെന്റില്‍ ബീറ്റ് ഫോറസ്റ്റ് ഓഫീസര്‍ സ്ഥിരനിയമനത്തിന് അപേക്ഷകള്‍ ക്ഷണിച്ചു. കേരളത്തിലെ എല്ലാ ജില്ലകളിലുമുള്ള ഒഴിവുകളിലേക്ക് പ്ലസ്ടു യോഗ്യതയുള്ള ഉദ്യോഗാര്‍ഥികള്‍ക്ക് അപേക്ഷിക്കാം. സെപ്റ്റംബര്‍ 3 വരെ അപേക്ഷിക്കാം. 19 മുതല്‍ 30 വയസ്സ് വരെയുള്ളവര്‍ക്കാണ് അപേക്ഷിക്കാനുള്ള യോഗ്യത, സംവരണ വിഭാഗക്കാര്‍ക്ക് നിയമാനുസൃത വയസിളവ് ലഭിക്കും. പ്രതിമാസം 27,900 മുതല്‍ 63,700 രൂപ വരെ ശമ്പളമാണ്. പുരുഷ ഉദ്യോഗാര്‍ഥികള്‍ക്ക് കുറഞ്ഞത് 168 സെ.മീ ഉയരവും, 81 സെ.മീ നെഞ്ചളവും, 5 സെ.മീ
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
വികാസവുമുണ്ടാകണം. 100 മീറ്റര്‍ ഓട്ടം, ഹൈജമ്പ്, ലോംഗ് ജമ്പ്, ഷോട്ട് പുട്ട്, ക്രിക്കറ്റ് ബോള്‍ ത്രോ, റോപ്പ് ക്ലൈംബിംഗ്, പുള്‍ അപ്‌സ്, 1500 മീറ്റര്‍ ഓട്ടം എന്നിവയില്‍ നിന്ന് 5 പരീക്ഷകള്‍ വിജയിക്കണം. എന്‍ഡ്യുറന്‍സ് ടെസ്റ്റായി 2 കിലോമീറ്റര്‍ ദൂരം 13 മിനിറ്റിനുള്ളില്‍ പൂര്‍ത്തിയാക്കണം. വനിത ഉദ്യോഗാര്‍ഥികളുടെ ഫിസിക്കല്‍ ടെസ്റ്റ് വിശദാംശങ്ങള്‍ വിജ്ഞാപനത്തില്‍ ലഭ്യമാണ്. അപേക്ഷകര്‍ കേരള പിഎസ്‌സിയുടെ ഔദ്യോഗിക വെബ്‌സൈറ്റിലൂടെ വിശദമായ വിജ്ഞാപനം വായിച്ച്‌ അപേക്ഷ സമര്‍പ്പിക്കണം. ആദ്യമായി അപേക്ഷിക്കുന്നവര്‍ ഒറ്റത്തവണ രജിസ്‌ട്രേഷന്‍ പൂര്‍ത്തിയാക്കണം. അപേക്ഷാ ഫീസ് ഇല്ല.
