മുൻ സൈനികർക്കും ആശ്രിതർക്കും കേന്ദ്ര സർക്കാരിൽ നിന്ന് വലിയ സാമ്പത്തിക ആശ്വാസം,ദിവാലി സമ്മാനമായി സഹായധനം ഇരട്ടിയായിമുൻ സൈനികരും അവരുടെ ആശ്രിതരും ഏറെ നാളായി ആകാംക്ഷയോടെ കാത്തിരുന്ന സാമ്പത്തിക സഹായ വർദ്ധനയ്ക്ക് കേന്ദ്ര സർക്കാർ അനുമതി നൽകി. ദിവാലി ആഘോഷത്തിന്റെ ഭാഗമായി പ്രഖ്യാപിച്ച ഈ തീരുമാനം ആയിരക്കണക്കിന് കുടുംബങ്ങൾക്ക് വലിയ ആശ്വാസമായിരിക്കുന്നു. വിദ്യാഭ്യാസത്തിനും വിവാഹത്തിനുമായി നൽകുന്ന സഹായധനത്തിലും പ്രതിമാസ ധനസഹായത്തിലും ഗണ്യമായ വർദ്ധനവാണ് നടപ്പാക്കിയിരിക്കുന്നത്.
വിവാഹ സഹായധനം ഇതുവരെ ലഭിച്ചിരുന്ന അമ്പതിനായിരം രൂപയിൽ നിന്ന് ഒരുലക്ഷമായി ഉയർത്തി. വിദ്യാഭ്യാസ സഹായധനവും മുൻതാരതമ്യത്തിൽ ഇരട്ടിയായി വർദ്ധിപ്പിച്ചു. അതോടൊപ്പം, പ്രതിമാസ ധനസഹായം ആയിരം രൂപയിൽ നിന്ന് രണ്ടായിരം രൂപയാക്കി ഉയർത്തിയതും മുൻ സൈനികർക്കും കുടുംബാംഗങ്ങൾക്കും ഏറെ ഗുണം ചെയ്യും.
എട്ടാം ശമ്ബള കമ്മീഷൻ വിജ്ഞാപനം ഉടൻ പ്രതീക്ഷിക്കാം
കേന്ദ്ര സർക്കാർ ജീവനക്കാരും പെൻഷൻകാരും ഏറെ ആകാംക്ഷയോടെ കാത്തിരിക്കുന്ന എട്ടാം ശമ്ബള കമ്മീഷൻ സംബന്ധിച്ച ഔദ്യോഗിക വിജ്ഞാപനം അടുത്തിടെ പുറത്തിറങ്ങുമെന്നാണ് സൂചന. 2025 ജനുവരിയിൽ തത്വത്തിൽ അംഗീകാരം നൽകിയ കമ്മീഷന്റെ രൂപീകരണവുമായി ബന്ധപ്പെട്ട പ്രഖ്യാപനം ഉടൻ ഉണ്ടാകുമെന്ന് കേന്ദ്ര ധനമന്ത്രാലയം വ്യക്തമാക്കി. നിലവിൽ സംസ്ഥാന സർക്കാരുകളുമായുള്ള സജീവ കൂടിയാലോചനകൾ പുരോഗമിക്കുകയാണ്. വിജ്ഞാപനം പുറത്തിറങ്ങിയ ശേഷം മാത്രമേ കമ്മീഷന്റെ ചെയർമാനും അംഗങ്ങളെയും നിയമിക്കൂ എന്നതും ധനമന്ത്രാലയത്തിലെ സഹമന്ത്രി പങ്കജ് ചൗധരി രാജ്യസഭയിൽ അറിയിച്ചു.ശമ്ബള നിർണ്ണയത്തിലെ ഫിറ്റ്‌മെന്റ് ഘടകത്തിന് പ്രധാന്യംകേന്ദ്ര സർക്കാർ ജീവനക്കാരുടെയും പെൻഷൻകാരുടെയും ശമ്ബളവും പെൻഷനും നിശ്ചയിക്കുന്നതിൽ നിർണായകമായ ഘടകമാണ് ഫിറ്റ്‌മെന്റ് ഫാക്ടർ (Fitment Factor). കുറഞ്ഞ ജീവിതച്ചെലവിന്റെ അടിസ്ഥാനത്തിൽ ശമ്ബളം കണക്കാക്കാൻ ഡോ. വാലസ് ഐക്രോയ്ഡ് വികസിപ്പിച്ച ഐക്രോയ്ഡ് ഫോർമുല ഉപയോഗിക്കുന്നതിനെ സർക്കാർ പരിഗണിക്കുന്നുണ്ട്. ഭക്ഷണം, വസ്ത്രം, പാർപ്പിടം തുടങ്ങിയ അടിസ്ഥാന ചെലവുകളും പോഷകാഹാര ആവശ്യമെന്ന പ്രധാന ഘടകവും പരിഗണിച്ചാണ് ഈ ഫോർമുല രൂപപ്പെടുത്തിയിരിക്കുന്നത്.പുതിയ ശമ്ബള നിരക്കുകൾനിലവിൽ ഏഴാം ശമ്ബള കമ്മീഷൻ പ്രകാരം കേന്ദ്ര ജീവനക്കാരുടെ കുറഞ്ഞ അടിസ്ഥാന ശമ്ബളം ₹18,000 ആണെന്നും പെൻഷൻകാർക്ക് ലഭിക്കുന്ന കുറഞ്ഞ അടിസ്ഥാന പെൻഷൻ ₹9,000 ആണെന്നും വ്യക്തമാക്കുന്നു. ഇതിന് പുറമേ 58 ശതമാനം ഡി എ/ഡി ആർ ലഭിക്കുന്നുണ്ട്. എട്ടാം ശമ്ബള കമ്മീഷൻ പ്രാബല്യത്തിൽ വന്നാൽ ഡി എ/ഡി ആർ പുനഃക്രമീകരിച്ച് പൂജ്യമാക്കും. ഫിറ്റ്‌മെന്റ് ഘടകം 1.92 ആയി നിശ്ചയിച്ചാൽ പുതിയ കുറഞ്ഞ അടിസ്ഥാന ശമ്ബളം ₹34,560 ആകും. പെൻഷൻകാർക്ക് ലഭിക്കുന്ന കുറഞ്ഞ പെൻഷൻ ₹17,280 ആയിരിക്കും.
ഇങ്ങനെ പോയാല്‍ എന്താകും പൊന്നേ! പിന്നോട്ടില്ലാതെ സ്വര്‍ണവില; ഇന്നത്തെ നിരക്ക്
സ്വർണവിലയിൽ ദിവസേനയുള്ള കുതിപ്പ് ആഭരണപ്രിയരെയും വാങ്ങാൻ കാത്തിരിക്കുന്നവരെയും ആശങ്കയിലാഴ്ത്തുകയാണ്. ഒരു തരിപോലും പിന്നോട്ടില്ലാതെ തുടരുന്ന ഈ വർധന, ദീപാവലി അടുത്തുവരുന്നതിനാൽ കൂടുതൽ ശക്തമാകുമെന്നാണ് വിപണിയിലെ വിലയിരുത്തൽ.പുതുക്കിയ കണക്കുകൾ പ്രകാരം ഇന്ന് ഒരു പവൻ സ്വർണത്തിന്റെ വില മാറ്റമില്ലാതെ ₹94,520 രൂപയിലാണ് നിലനിൽക്കുന്നത്. അതേപോലെ തന്നെ, ഒരു ഗ്രാമിന്‍റെ വിലയും ₹11,815 രൂപയായി തുടരുന്നു. ഈ നില തുടരുകയാണെങ്കിൽ, ഒരു പവന്റെ വില ഒരു ലക്ഷം രൂപ കടക്കാൻ ഇനി ദിവസങ്ങളുടെ കാര്യമാണ്.ആഭരണവിപണിയിലേക്കും വിവാഹ ആവശ്യങ്ങൾക്കുമായി സ്വർണം വാങ്ങാൻ പദ്ധതിയിടുന്നവർക്കായി ഈ നിരന്തരം ഉയരുന്ന നിരക്കുകൾ വലിയ തലവേദനയാക്കുകയാണ്.വരാനിരിക്കുന്ന ദീപാവലിയും ധന്തേരസും പോലുള്ള ഉത്സവങ്ങൾ വില വർധനയ്ക്ക് കൂടുതൽ തിളക്കം പകരുമെന്നാണ് വിദഗ്ധരുടെ മുന്നറിയിപ്പ്.ഒക്ടോബർ 14-ന് സ്വർണവിലയിൽ മൂന്ന് തവണ മാറ്റമുണ്ടായി. രാവിലെ ₹94,360 രൂപയായിരുന്ന നിരക്ക് ഉച്ചയ്ക്ക് ശേഷം ₹1,200 രൂപ കുറഞ്ഞ് ₹93,160 രൂപയിലേക്കാണ് വീണത്. എന്നാൽ വൈകുന്നേരത്തോടെ വീണ്ടും ₹960 രൂപ ഉയർന്ന് ₹94,120 രൂപയിലെത്തി. ഒക്ടോബർ മാസത്തിലെ ഏറ്റവും ഉയർന്ന നിരക്കായി ഇന്നലെ രാവിലെ രേഖപ്പെടുത്തിയ ഈ വില, സ്വർണവിപണിയിലെ അനിശ്ചിതത്വം തെളിയിക്കുന്നു.സ്വർണവിലയെ സ്വാധീനിക്കുന്ന ഘടകങ്ങൾ നിരവധി തന്നെയാണ് — യുഎസ് പണപ്പെരുപ്പം, പലിശനിരക്കുകളിൽ വരുന്ന മാറ്റങ്ങൾ, രാജ്യാന്തര രാഷ്ട്രീയ സംഘർഷങ്ങൾ, വൻകിട രാഷ്ട്രങ്ങളുടെ സാമ്പത്തിക നയങ്ങൾ, ഓഹരി വിപണിയിലെ അനിശ്ചിതത്വം, ക്രൂഡ് ഓയിൽ വിലയിലെ ഉയർച്ച-താഴ്ചകൾ, രൂപയുടെ മൂല്യത്തിലെ മാറ്റങ്ങൾ എന്നിവ എല്ലാം വിപണിയെ നേരിട്ട് ബാധിക്കുന്നു. ഇതെല്ലാം കൂടി ചേർന്നാണ് ഇന്നത്തെ സ്വർണവിലയുടെ കുതിപ്പ് രൂപപ്പെട്ടിരിക്കുന്നത്.
തുലാവര്‍ഷം എത്തുന്നു; കേരളത്തില്‍ ഇനി മഴക്കാലം; ഇടിമിന്നലിനെയും കരുതിയിരിക്കണം
സംസ്ഥാനത്ത് അടുത്ത ദിവസങ്ങളിൽ ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്‍കി. പ്രത്യേകിച്ച് വൈകുന്നേരങ്ങളില്‍ ഇടിമിന്നലോടുകൂടിയ കനത്ത മഴ പെയ്യാന്‍ സാധ്യതയുണ്ടെന്നാണ് റിപ്പോര്‍ട്ട്.ഇതിന്റെ പശ്ചാത്തലത്തില്‍ ഒമ്പത് ജില്ലകളില്‍ ജാഗ്രതാ നിര്‍ദ്ദേശം പുറപ്പെടുവിച്ചിരിക്കുകയാണ്.ഇന്ന് കോട്ടയം, ഇടുക്കി ജില്ലകളില്‍ ഓറഞ്ച് അലര്‍ട്ടും തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, തൃശൂര്‍, മലപ്പുറം ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്.അറബിക്കടലില്‍ ലക്ഷദ്വീപ് തീരത്തിന് സമീപം ചക്രവാത ചുഴി രൂപം കൊണ്ടിരിക്കുകയാണ്. ഞായറാഴ്ചയോടെ ഇത് കേരള–കർണാടക തീരപ്രദേശത്തിന് സമീപം ന്യൂനമര്‍ദ്ദമായി ശക്തി പ്രാപിക്കാനാണ് സാധ്യത. ഇതിനെ തുടര്‍ന്ന് കേരള–ലക്ഷദ്വീപ് തീരപ്രദേശങ്ങളില്‍ ഒക്ടോബർ 18 വരെ മത്സ്യബന്ധനം നിരോധിച്ചിരിക്കുന്നു. കൂടാതെ, കള്ളക്കടല്‍ പ്രതിഭാസത്തിന്റെ ഭാഗമായി 17 ന് രാത്രി പതിനൊന്നര വരെ ഉയര്‍ന്ന തിരമാലകള്‍ക്ക് സാധ്യതയുണ്ടെന്ന മുന്നറിയിപ്പും നല്‍കിയിട്ടുണ്ട്.അടുത്ത അഞ്ച് ദിവസം സംസ്ഥാനത്ത് മഴ ശക്തമായി തുടരുമെന്നാണ് കാലാവസ്ഥാ വകുപ്പ് പ്രവചനം. അടുത്ത 24 മണിക്കൂറിനുള്ളില്‍ തെക്ക്–പടിഞ്ഞാറന്‍ കാലാവർഷം പിന്‍വാങ്ങി തുലാവർഷം ഔദ്യോഗികമായി ആരംഭിക്കുമെന്നാണ് റിപ്പോര്‍ട്ട്. ഇതിന്റെ ഫലമായി സംസ്ഥാനത്ത് ഇടിമിന്നലോടുകൂടിയ ശക്തമായ മഴ തുടരുമെന്നാണ് മുന്നറിയിപ്പ്. മധ്യവും തെക്കന്‍ ജില്ലകളിലും അടുത്ത രണ്ട് ദിവസങ്ങളില്‍ വ്യാപകമായ മഴയ്ക്ക് സാധ്യതയുണ്ട്
വധശിക്ഷയിൽ ആധുനിക മാർഗങ്ങൾ പരിഗണിക്കാൻ കേന്ദ്രം വിസമ്മതിച്ചു; കടുത്ത വിമർശനവുമായി സുപ്രീംകോടതി
വധശിക്ഷയുടെ നടപ്പാക്കൽ രീതി സംബന്ധിച്ച് കേന്ദ്രസർക്കാരിന്റെ നിലപാട് ചോദ്യം ചെയ്തുകൊണ്ട് സുപ്രീംകോടതി കഠിന വിമർശനം ഉന്നയിച്ചു. തൂക്കിലേറ്റലിന് പകരം വിഷം കുത്തിവയ്ക്കൽ പോലുള്ള ആധുനിക മാർഗങ്ങൾ സ്വീകരിക്കാനുള്ള നിർദേശത്തോട് കേന്ദ്രം എതിർപ്പ് പ്രകടിപ്പിച്ചതിന്മേലാണ് കോടതി പ്രതികരിച്ചത്. കാലത്തിന്റെ മാറ്റങ്ങൾക്കനുസരിച്ച് മുന്നോട്ട് പോകാൻ കേന്ദ്രസർക്കാർ തയ്യാറല്ലെന്നതാണ് ജസ്റ്റിസുമാരായ വിക്രം നാഥും സന്ദീപ് മേത്തയും അടങ്ങിയ ബെഞ്ച് വ്യക്തമാക്കിയത്.തൂക്കിലേറ്റണോ, വിഷം കുത്തിവയ്ക്കലിലൂടെയോ ശിക്ഷ നടപ്പാക്കണമോ എന്ന കാര്യത്തിൽ തടവുകാരന് തീരുമാനമെടുക്കാൻ അവസരം നൽകാനുള്ള ആശയത്തോടും കേന്ദ്രം പ്രതികൂലമായ നിലപാടാണ് സ്വീകരിക്കുന്നതെന്ന് കോടതി ചൂണ്ടിക്കാട്ടി.തൂക്കിലേറ്റൽ ക്രൂരവും അനാവശ്യമായ വേദനയും ഉണ്ടാക്കുന്ന രീതിയാണെന്നും അതിന് പകരം വിഷം കുത്തിവയ്ക്കൽ, വെടിവയ്പ്പ്, വൈദ്യുതി തുടങ്ങിയ മാർഗങ്ങൾ സ്വീകരിക്കണമെന്നുമുള്ള പൊതുതാൽപര്യ ഹരജിയെയാണ് കോടതി പരിഗണിച്ചത്.തൂക്കിലേറ്റുമ്പോൾ പ്രതി നേരിടുന്ന വേദനയും മരിക്കാൻ എടുക്കുന്ന സമയവും പരിശോധിക്കണമെന്ന് നേരത്തെ കോടതി നിർദേശിച്ചിരുന്നു.അമേരിക്കയിലെ 50ൽ 49 സംസ്ഥാനങ്ങളും തൂക്കിലേറ്റൽ ഒഴിവാക്കിയെന്നും അവിടങ്ങളിൽ വിഷം കുത്തിവയ്ക്കലാണ് സാധാരണമായ രീതിയെന്നും ഹരജിക്കാരനായ അഡ്വ. റിഷി മൽഹോത്ര ചൂണ്ടിക്കാട്ടി. വിഷം കുത്തിവച്ചാൽ ഉടനടി മരണം സംഭവിക്കുമ്പോൾ, തൂക്കിലേറ്റിയാൽ ശരീരം 40 മിനുട്ട് വരെ കയറിൽ തൂങ്ങിയിരിക്കേണ്ട സാഹചര്യമുണ്ടാകുന്നുവെന്നും അദ്ദേഹം വ്യക്തമാക്കി.മാന്യമായ രീതിയിൽ മരിക്കാനുള്ള അവകാശം മൗലികാവകാശമായി പ്രഖ്യാപിക്കുക, ശിക്ഷ വേഗത്തിൽ നടപ്പാക്കുക, തൂക്കിലേറ്റൽ നിയമവിരുദ്ധമാക്കി മാറ്റുക എന്നീ ആവശ്യങ്ങളാണ് ഹരജിയിലൂടെ മുന്നോട്ടുവച്ചിരിക്കുന്നത്. വിഷയത്തിൽ കേന്ദ്രസർക്കാർ വിശദമായ നിലപാട് അറിയിക്കണമെന്ന് സുപ്രീംകോടതി നിർദേശിച്ചു.
സംസ്ഥാനത്തെ സ്കൂൾ ഉച്ചഭക്ഷണ പദ്ധതി വീണ്ടും പ്രതിസന്ധിയിൽ
സംസ്ഥാനത്തെ സ്കൂളുകളിലെ ഉച്ചഭക്ഷണ പദ്ധതി വീണ്ടും വലിയ പ്രതിസന്ധിയിലേക്കാണ് നീങ്ങുന്നത്. വിവിധ ജില്ലകളിലെ സ്കൂളുകളിലേക്കുള്ള അരിവിതരണം പൂര്‍ണമായും നിലച്ചതോടെ പദ്ധതിയുടെ നടപ്പാക്കല്‍ താളം തെറ്റിയിരിക്കുകയാണ്.ജില്ലകളിലേക്കുള്ള വിതരണവും ഇതുവരെ പുനരാരംഭിക്കാനായിട്ടില്ലെന്നതാണ് ആശങ്ക വര്‍ധിപ്പിക്കുന്നത്.ഓഗസ്റ്റ്, സെപ്റ്റംബർ മാസങ്ങളിലെ ഉച്ചഭക്ഷണ ചെലവിനുള്ള തുക ഇതുവരെ അനുവദിക്കാത്തതോടെ പ്രധാനാധ്യാപകർ കടുത്ത സാമ്പത്തിക പ്രതിസന്ധിയിലേക്കാണ് തള്ളപ്പെട്ടിരിക്കുന്നത്. സ്കൂളുകളില്‍ മുട്ടയും പാലും വിതരണത്തിനായി ചെലവാക്കിയ തുകയും ലഭിക്കാതെ തന്നെ പദ്ധതിയുടെ നടത്തിപ്പ് ബുദ്ധിമുട്ടിലായി.സ്കൂളുകളിലേക്ക് ഉച്ചഭക്ഷണത്തിനുള്ള അരിവിതരണം പുനരാരംഭിക്കാനും ഓഗസ്റ്റ്–സെപ്റ്റംബർ മാസങ്ങളിലെ ചെലവുകൾ അടിയന്തിരമായി അനുവദിക്കാനും സര്‍ക്കാര്‍ ത്വരിത നടപടിയെടുക്കണമെന്ന് കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ് അസോസിയേഷൻ (കെപിപിഎച്ച്‌എ) സംസ്ഥാന ജനറല്‍ സെക്രട്ടറി ജി. സുനില്‍കുമാർ ആവശ്യപ്പെട്ടു. നിലവിലെ നില തുടർന്നാല്‍ പദ്ധതിയുടെ സാധാരണ പ്രവാഹം തന്നെ തകരുമെന്ന് സംഘടന മുന്നറിയിപ്പ് നല്‍കി.