സംസ്ഥാനത്ത് അതിശക്തമായ മഴ തുടരുന്നു. കാലാവസ്ഥാ വിഭാഗം പുറപ്പെടുവിച്ച ഏറ്റവും പുതിയ മുന്നറിയിപ്പനുസരിച്ച്, പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം എന്നീ ജില്ലകളിൽ ഇന്ന് ഓറഞ്ച് അലർട്ട് പ്രഖ്യാപിച്ചിട്ടുണ്ട്.
*വയനാട്ടിലെ വാർത്തകൾ തൽസമയം അറിയാൻ വാട്സ്ആപ്പ് ചാനലിൽ ജോയിൻ ചെയ്യുക*https://chat.whatsapp.com/JKfKreIIgreL25FBiuVoL0
മറ്റ് എല്ലാ ജില്ലകളിലും യെല്ലോ അലർട്ട് പ്രഖ്യാപിച്ചിരിക്കുന്ന സാഹചര്യത്തിൽ സംസ്ഥാനമാകെ ശക്തമായ മഴക്കായുള്ള മുൻകരുതൽ തുടരുകയാണ്. ഇതിനു പുറമേ, കേരള തീരത്ത് 60 കിലോമീറ്റർ വരെ വേഗത്തിൽ കാറ്റ് വീശിയേക്കുമെന്ന് മുന്നറിയിപ്പുണ്ട്. കടൽക്ഷോഭം രൂക്ഷമാകാനാണ് സാധ്യതയുള്ളത്, അതിനാൽ മത്സ്യബന്ധനത്തിന് വിലക്ക് തുടരും. മഹാരാഷ്ട്ര മുതൽ കേരള തീരം വരെയുള്ള ഭാഗത്ത് ന്യൂനമർദ്ദ പാത്തി നിലനിൽക്കുന്നുണ്ട്. ഇതോടൊപ്പം പടിഞ്ഞാറൻ മുതൽ വടക്കുപടിഞ്ഞാറൻ ദിശയിലേക്കുള്ള ശക്തമായ കാറ്റിന്റെ സ്വാധീനവുമാണ് മഴക്കുണ്ടാകുന്ന തുടർച്ചയ്ക്ക് കാരണം. ഈ പശ്ചാത്തലത്തിൽ, പത്തനംതിട്ട, കോട്ടയം, എറണാകുളം ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചിരിക്കുകയാണ്. മലയോരമേഖലകളിൽ ജാഗ്രത പാലിക്കണമെന്നും ദുരന്തനിവാരണ അതോറിറ്റി അറിയിക്കുന്നു.
